11.09.2026 | 16:50
ՀԷՑ-ի մասով մի անհանգստացեք. ՀէՑ-ը կվերադառնա իր օրինական տիրոջը. Սամվել Կարապետյան. ՏԵՍԱՆՅՈՒԹ
Մեկը արտահոսք է անում, մեկը՝ գաղտնալսում, բայց ո՛չ մենք․ Ուշակովը՝ Ուիթկոֆի ու Դմիտրիևի հետ իր զրույցների ձայնագրության հրապարակման մասին
Քաղաքականություն
26.11.2025 | 13:05
ՌԴ նախագահի օգնական Յուրի Ուշակովը հայտարարել է, որ չգիտի, թե որտեղից է Bloomberg-ը ձեռք բերել և հրապարակել ԱՄՆ նախագահի հատուկ ներկայացուցիչ Սթիվ Ուիթկոֆի և ՌԴ նախագահի հատուկ ներկայացուցիչ Կիրիլ Դմիտրիևի հետ իր զրույցների ձայնագրությունները, գրում է Meduza-ն։
«Մեկն արտահոսք է անում, մեկը՝ գաղտնալսում, բայց ո՛չ մենք»,- ասել է Ուշակովը՝ պատասխանելով «Ռոսիա» հեռուստաալիքի թղթակից Պավել Զարուբինի հարցին։
Նա ուղղակիորեն չի պատասխանել հարցին՝ Ուիթկոֆի հետ իր զրույցը կե՞ղծ է, թե իրականում տեղի է ունեցել։ Նա նշել է, որ բավական հաճախ է խոսում Թրամփի հատուկ ներկայացուցչի հետ, բայց չի մեկնաբանում այդ զրույցների բովանդակությունը։ Ուշակովը կարծում է, որ նման արտահոսքերը հրապարակվում են «խանգարելու համար»։
«Քիչ հավանական է, որ նրանք դա անում են հարաբերությունները բարելավելու համար»,- հավելել է Ռուսաստանի նախագահի օգնականը։
Ուշակովը նաև հաստատել է, որ Ուիթկոֆը կմեկնի Մոսկվա՝ Վլադիմիր Պուտինի հետ հանդիպելու համար: Նրաի խոսքով՝ «նախնական պայմանավորվածություններ են ձեռք բերվել», որպեսզի Ուիթկոֆը հաջորդ շաբաթ Մոսկվա մեկնի՝ «ուկրաինական գործերի հետ կապված» Թրամփի վարչակազմի մի քանի պաշտոնյաների հետ միասին:
Թարգմանությունը՝ Էմմա Չոբանյանի
