19.05.2026 | 22:12
Երևանի 15 հասցեում խուզարկություններ են իրականացվել, հայտնաբերվել են թմրամիջոցներ և զենք. կան ձերբակալվածներ. ՆԳՆ
ԱԳ փոխնախարարը ԵԱՀԿ ԽՎ նախագահի տեղակալի հետ քննարկել է խաղաղության գործընթացը
Քաղաքականություն
25.11.2025 | 20:39
ՀՀ ԱԳ նախարարի տեղակալ Մնացական Սաֆարյանը և ԵԱՀԿ խորհրդարանական վեհաժողովի նախագահի տեղակալ Լուիս Գրասան քննարկել են Վաշինգտոնում՝ օգոստոսի 8-ին ձեռք բերված հայ–ադրբեջանական պայմանավորվածությունները։
«Հանդիպման ընթացքում անդրադարձ է կատարվել Հայաստանի և Ադրբեջանի միջև ընթացիկ տարվա օգոստոսի 8-ին Վաշինգտոնում ձեռք բերված պայմանավորվածություններին՝ ընդգծելով, որ խաղաղության հաստատումը հնարավորություններ է ստեղծում ողջ տարածաշրջանի կայունության և բարգավաճման համար»,- ասված է հաղորդագրությունում:
Նշվում է, որ կողմերը կարևորել են խորհրդարանական դիվանագիտության դերը խաղաղության հետագա ամրապնդման, փոխադարձ վստահության հաստատման և հումանիտար խնդիրների հասցեագրման ուղղություններում:
«Մտքեր են փոխանակվել ԵԱՀԿ պատասխանատվության գոտում առկա խնդիրների հասցեագրման գործում ԵԱՀԿ դերի բարձրացման վերաբերյալ»,- ասվում է գերատեսչության տարածած հաղորդագրությունում:
