29.07.2026 | 15:30
Տոկիոյի Օլիմպիական խաղերի մասնակիցն անհետ կորել է Բրազիլիայում
Ադրբեջանի ԱԳ նախարարը Վատիկանի պետքարտուղարին տեղեկացրել է Վաշինգտոնի համաձայնությունների կատարման մասին
Քաղաքականություն
25.11.2025 | 18:33
Վատիկան կատարած պաշտոնական այցի շրջանակում Ադրբեջանի արտաքին գործերի նախարար Ջեյհուն Բայրամովը հանդիպել է Սուրբ Աթոռի պետական քարտուղար, կարդինալ Պիետրո Պարոլինի հետ: Ըստ Ադրբեջանի ԱԳՆ-ի՝ հանդիպման ընթացքում կողմերը քննարկել են ադրբեջանա-վատիկանյան հարաբերությունների ներկա վիճակը և զարգացման հեռանկարները, ինչպես նաև փոխադարձ հետաքրքրություն ներկայացնող տարածաշրջանային և համաշխարհային հարցեր։
Ընդգծվել է այն կարևորությունը, որն Ադրբեջանը տալիս է Սուրբ Աթոռի հետ հարաբերությունների զարգացմանը, նշվել է, որ վերջին բարձր մակարդակի այցելությունները կարևոր դեր են խաղացել փոխըմբռնման ամրապնդման գործում։
Ընդգծվել են, իբր, Ադրբեջանի բազմամշակութային ավանդույթները և «կրոնական ժառանգությունը, այդ թվում՝ քրիստոնեական հուշարձանները պահպանելու երկարատև ջանքերը»։
Բայրամովն իր զրուցակցին ներկայացրել է Ադրբեջանի և Հայաստանի հարաբերությունների կարգավորման գործընթացը, Վաշինգտոնի գագաթնաժողովում ձեռք բերված պատմական համաձայնությունները և դրանց իրականացումը, ինչպես նաև հետհակամարտային շրջանում տարածաշրջանային զարգացումը և Արցախի տարածքներում իրականացվող վերակառուցման աշխատանքները։
Թարգմանությունը՝ Էմմա Չոբանյանի
