29.06.2026 | 23:29
Ալեն Սիմոնյանը պարգևատրել է պետական պահպանության ծառայության աշխատողներին
Արման Ծառուկյանը մեծ սխալ է համարում մենամարտից առաջ Դեն Հուկերին հարվածելը․ ՏԵՍԱՆՅՈՒԹ
25.11.2025 | 13:28
UFC-ի թեթև քաշային կարգի (մինչև 70 կգ) դասակարգման առաջատար Արման Ծառուկյանն ափսոսանք է հայտնել նորզելանդացի Դեն Հուկերի դեմ մենամարտիաց առաջ տեղի ունեցած միջադեպի առնչությամբ։ Հայացքների մենամարտի ժամանակ հայ մարտիկը գլխով հարվածել էր իր մրցակցի դեմքին։
«Դա իմ մեղքն էր, մեծ սխալ․ ես չպետք է նման բան անեի։ Բայց դու չես կարող վերահսկել ինքդ քեզ՝ հատկապես երբ խոսքը վերաբերում է ինձ։ Ես մտածում էի, որ կգնամ այնտեղ ու հանգիստ կդրսևորեմ ինձ։ Մարզիչը նույնպես կոչ էր արել չտրվել էմոցիաներին, սակայն շատ շուտով ես պայթեցի։ Դա տեղի է ունենում ավտոմատ, ես չեմ կարող վերահսկել ինձ այդ 5-10 վայրկյանների ընթացքում։ Ահա, թե ինչու է դա մի քիչ վտանգավոր ինձ համար։ Ես շատ հանգիստ մարդ եմ, բայց եթե ինչ-որ մեկը փորձում է վախեցնել ինձ կամ անել ինչ-որ խենթություն, ես շատ արագ դուրս եմ գալիս վերահսկողությունից»,- ասել է Արման Ծառուկյանը լրագրող Արիել Հելվանիի հետ զրույցում։
Հիշեցնենք, որ Դոհայում կայացած UFC Fight Night 265 մրցաշարի գլխավոր մենամարտում հայ մարտիկը 35-ամյա Դեն Հուկերին հաղթել էր ժամկետից շուտ՝ երկրորդ ռաունդում կիրառելով խեդղող հնարք։ Այդ հաղթանակի շնորհիվ 29-ամյա Ծառուկյանը դարձավ UFC-ի թեթև քաշային կարգի չեմպիոնության հավակնորդ։ Չեմպիոնական տիտղոսը պատկանում է Իսպանիան ներկայացնող վրացի մարտիկ Իլյա Տոպուրիային։ Արման Ծառուկյանը խառը մենամարտերում անցկացրել է 26 հանդիպում, տարել 23 հաղթանակ ու կրել 3 պարտություն։
