UFC-ի թեթև քաշային կարգի (մինչև 70 կգ) դասակարգման առաջատար Արման Ծառուկյանը նորզելանդացի Դեն Հուկերի դեմ հաղթական մենամարտում ավելի քիչ գումար է վաստակել, քան մրցակիցը, հաղորդում է Essentially Sports-ը։
Մենամարտի մասնակցության համար հայ մարտիկը ստացել է 300 հազար դոլար, ինչպես նաև 50 հազար բոնուս երոկոյի լավագույն մրցելույթի համար ու 14 հազար հովանավորչական գումար։ Նրա ընդհանուր եկամուտը կազմել է 374 հազար դոլար։
Դեն Հուկերը վաստակել է 421 հազար դոլար (400 հազար – մենամարտի մասնակցության, 21 հազար – հովանավորչական գումար)։
Հիշեցնենք, որ Դոհայում կայացած UFC Fight Night 265 մրցաշարի գլխավոր մենամարտում հայ մարտիկը հաղթանակի էր հասել ժամկետից շուտ՝ երկրորդ ռաունդում կիրառելով խեդղող հնարք։ Այդ հաղթանակի շնորհիվ 29-ամյա Ծառուկյանը դարձավ UFC-ի թեթև քաշային կարգի չեմպիոնության հավակնորդ։ Չեմպիոնական տիտղոսը պատկանում է Իսպանիան ներկայացնող վրացի մարտիկ Իլյա Տոպուրիային։ Արման Ծառուկյանը խառը մենամարտերում անցկացրել է 26 հանդիպում, տարել 23 հաղթանակ ու կրել 3 պարտություն։
