29.07.2026 | 16:19
Թուրքիայում անտառային հրդեհներ են մոլեգնում․ ՏԵՍԱՆՅՈՒԹ
Հայաստանն ընտրվել է ՅՈՒՆԵՍԿՕ-ի Համաշխարհային ժառանգության կոմիտեի անդամ
Քաղաքականություն
24.11.2025 | 20:34
Փարիզում՝ ՅՈՒՆԵՍԿՕ-ի կենտրոնակայանում անցկացվող Գլխավոր ասամբլեայի 25-րդ նստաշրջանի ընթացքում Հայաստանը առաջին անգամ ընտրվել է Համաշխարհային ժառանգության կոմիտեի անդամ՝ ստանալով 161 հնարավոր ձայնից 105-ը, ինչը փաստում է երկրի նկատմամբ միջազգային հանրության վստահության և նրա դերակատարության բարձր գնահատականի մասին մշակութային ու բնական ժառանգության պահպանության ոլորտում։։ Այս մասին տեղեկացնում են ՀՀ ԱԳՆ-ից։
«Ընտրությունների՝ ազատ տեղերի համար նախատեսված փուլում Հայաստանը գրանցել է լավագույն արդյունքը՝ ստանալով հնարավոր 161-ից 105 ձայն, ինչը վկայում է մշակութային ժառանգության պահպանման ոլորտում Հայաստանի նկատմամբ միջազգային հանրության բարձր վստահության մասին։
Ստանձնելով Համաշխարհային ժառանգության կոմիտեում անդամակցությունը՝ Հայաստանը վերահաստատել է իր հանձնառությունը՝ ուղղված մշակութային և բնական ժառանգության պատշպանության, պահպանման և վերականգնման, ինչպես նաև Համաշխարհային ժառանգության կոնվենցիայի հիմնարար սկզբունքների առաջմղման գործում միջազգային ջանքերի խթանմանը»,- ասված է հաղորդագրությունում:
