09.06.2026 | 12:10
Նորընտիր ԱԺ-ի առաջին նիստը՝ օգոստոսի 2-ին // ԵՄ-ն՝ ՀՀ-ի դեմ Մոսկվայի հիբրիդային հարձակումների մասին․ ԼՈՒՐԵՐ
Հայաստանը ստանձնել է Քիմիական զենքի արգելման կազմակերպության Ընդհանուր հարցերով հանձնաժողովի նախագահությունը
Քաղաքականություն
24.11.2025 | 19:37
2025 թվականի նոյեմբերի 24-ին Հայաստանը պաշտոնապես ստանձնել է Քիմիական զենքի արգելման կազմակերպության (ՔԶԱԿ) մասնակից պետությունների 30-րդ համաժողովի ընդհանուր հարցերով հանձնաժողովի նախագահությունը։ ՔԶԱԿ-ում Հայաստանի մշտական ներկայացուցիչ Վիկտոր Բիյագովը նշել է, որ այս բարձր պատասխանատվությունը արտացոլելու է Հայաստանի անվիրապահ նվիրումը Քիմիական զենքի կոնվենցիայի առաջնային նպատակներին։Այս մասին տեղեկացնում են Նիդերլանդներում ՀՀ դեսպանությունից:
«Հայաստանի համար մեծ պատիվ է ստանձնել այս պատասխանատու պաշտոնը։ Մեր նախագահությունն արտացոլելու է Հայաստանի անվերապահ նվիրումը Քիմիական զենքի կոնվենցիայի առաջնային նպատակներին։ Հայաստանը պատրաստ է ներդնելու իր փորձը տարաձայնությունները կամրջելու և կառուցողական լուծումներ գտնելու հարցում»:
«Ընդհանուր հարցերով հանձնաժողովը ՔԶԱԿ մասնակից պետությունների համաժողովի կարևորագույն մարմինն է` բաղկացած ՔԶԱԿ մասնակից բոլոր պետություններից, որտեղ քննարկվում են բովանդակային հիմնական այն հարցերը, որոնց զգայունությունից ելնելով մասնակից պետությունների միջև հնարավոր չի եղել համաձայնության հասնել։ Այսպիսով, Հանձնաժողովի հիմնական գործառույթը վերջինիս հասցեագրված հարցերի վերաբերյալ մասնակից բոլոր պետությունների ներկայացրած առաջարկների դիտարկումը և կոնսենսուս ձևավորելու նպատակով բանակցությունների անցկացումն է։
Որպես նախագահող՝ Հայաստանին վերապահված է նշյալ քննարկումներն ու բանակցությունները համակարգելու գործառույթը՝ աշխատանքներ տանելով ներգրավված բոլոր կողմերի հետ։ Նախագահողը վճռորոշ դերակատարում ունի ոչ պաշտոնական խորհրդակցությունների անցկացման և բանակցությունների ուղղորդման գործում»,- ասված է հաղորդագրությունում:
