09.06.2026 | 13:26
Իշխան Սաղաթելյանի ասուլիսը․ ՈՒՂԻՂ
Ուկրաինական պատվիրակությունը վերադառնում է Ժնևից, երեկոյան սպասվում է ամբողջական զեկույց. Զելենսկի
Քաղաքականություն
24.11.2025 | 20:11
Ուկրաինայի նախագահ Վլադիմիր Զելենսկին հայտարարել է, որ ուկրաինական պատվիրակությունը վերադառնում է Կիև Ժնևում (Շվեյցարիա) կայացած բանակցություններից հետո։ Այս մասին նա հայտարարել է սոցիալական ցանցերում։
Զելենսկին հեռախոսազրույց է ունեցել Նորվեգիայի վարչապետ Յոնաս Գար Ստյորի հետ, որի ընթացքում զրուցակիցները քննարկել են դիվանագիտական իրավիճակը և երկկողմ համագործակցությունը։ Ուկրաինայի նախագահը Ստյորին ներկայացրել է Ժնևում իր խորհրդականների աշխատանքի նախնական արդյունքները։
«Մեր պատվիրակությունն այժմ վերադառնում է տուն, և ես այսօր երեկոյան սպասում եմ Ժնևում բանակցությունների ընթացքի և մեր գործընկերների կողմից բարձրացված հիմնական կետերի վերաբերյալ ամբողջական զեկույցի»,- նշել է Ուկրաինայի նախագահը։
Նա ասել է, որ զեկույցների հիման վրա Ուկրաինան կորոշի իր հաջորդ քայլերը և ժամկետները։
«Մենք կշարունակենք համակարգել աշխատանքները Եվրոպայի և աշխարհում այլ գործընկերների հետ։ Մենք ակնկալում ենք հասնել ցանկալի արդյունքների, և ես շնորհակալ եմ բոլոր նրանց, ովքեր կանգնած են Ուկրաինայի կողքին»,- հավելել է Զելենսկին։
Հայտնի է, որ Ժնևում ԱՄՆ-ի և Ուկրաինայի ներկայացուցիչների հանդիպման ժամանակ կողմերը պատրաստել են խաղաղության վերաբերյալ թարմացված և վերանայված շրջանակային փաստաթուղթ, որը, մասնավորապես, կանդրադառնա Ուկրաինայի ինքնիշխանության հարգմանը։
Թարգմանությունը՝ Էմմա Չոբանյանի
