29.06.2026 | 21:27
Պուտինի սուրպերզբոսանավը 2022թ․ ի վեր առաջին անգամ հայտնվել է ռադարների էկրանին․ այն նկատել են Դանիայի ափերի մոտ
UFC-ի չեմպիոն Իլյա Տոպուրիան պատասխանել է Արման Ծառուկյանին
24.11.2025 | 18:13
UFC-ի թեթև քաշային կարգի (մինչև 70 կգ) չեմպիոն Իլյա Տոպուրիան դիմել է Արման Ծառուկյանին, որը նորզելանդացի Դեն Հուկերի նկատմամբ հաղթանակից հետո ձեռնոց էր նետել Իսպանիան ներկայացնող վրացի մարտիկին։
«Արման, ամեն անգամ ինձ տեսնելիս դու քարանում ես վախեցած բադի նման՝ չիմանալով ինչ անել։ Դու գիտես, որ ես կարող եմ վարվել քեզ հետ այնպես, ինչպես ցանկանում եմ։ Ես կմենամարտեմ նրա հետ, ում կընտրի UFC-ն։
Մի մոռացիր, որ ես քեզ ապտակեցի, իսկ դու պարզապես ծիծաղեցիր։ Իսկ հիմա հզոր գանգստեր ես ձևանում։ Շարունակիր նույն ոգով, դու ճիշտ ուղու վրա ես։ Բայց այդ ուղին մի քանի աստիճան ցածր է իմինից»,- սոցիալական ցանցերում գրել է Իլյա Տոպուրիան։
Հիշեցնենք, որ Դոհայում կայացած UFC Fight Night 265 մրցաշարի գլխավոր մենամարտում հայ մարտիկը հաղթանակի էր հասել ժամկետից շուտ՝ երկրորդ ռաունդում կիրառելով խեդղող հնարք։ Այդ հաղթանակի շնորհիվ 29-ամյա Ծառուկյանը դարձավ UFC-ի թեթև քաշային կարգի չեմպիոնության հավակնորդ։ Արման Ծառուկյանը խառը մենամարտերում անցկացրել է 26 հանդիպում, տարել 23 հաղթանակ ու կրել 3 պարտություն։ Իլյա Տոպուրիան 17 մենամարտում ունի նույնքան հաղթանակ։
