09.10.2026 | 22:57
Կարո՞ղ է Իսրայելը բաժանել Բաքվին և Անկարային․ ինչի կարող են հանգեցնել վերջին հակասությունները․ BBC-ի անդրադարձը
Բաքվից հայտնել են, թե որքան մարդ է բնակվում հայաթափված Ստեփանակերտում և Արցախի այլ բնակավայրերում
Քաղաքականություն
24.11.2025 | 23:31
Էթնիկ զտման ենթարկված ու հայաթափված Ստեփանակերտում, Մարտակերտի և Իվանյանի շրջաններում ներկայում ապրում է ավելի քան 23,000 մարդ։ Մի շարք բնակավայրերում շարունակվում են վերանորոգման և վերականգնողական աշխատանքները։ Արցախի պետական համալսարանում, որը Բաքուն անվանել է Ղարաբաղի համալսարան, «Սահմանադրության և ինքնիշխանության տարվան» նվիրված միջոցառման ժամանակ Ադրբեջանի նախագահի հատուկ ներկայացուցչի տեղակալ Սաբուհի Ղահրամանովը նշել է, թե Արցախի տարածքների վերականգնումը շարունակվում է արագացված տեմպերով. տարածաշրջանում ակտիվորեն իրականացվում են ենթակառուցվածքային նախագծեր, այդ թվում՝ ճանապարհների, երկաթուղիների և օդանավակայանների կառուցում, ինչպես նաև էլեկտրաէներգիայի և ջրամատակարարման համակարգերի արդիականացում։
Ըստ նրա՝ նոր աշխատատեղեր են ստեղծվում ձեռներեցության զարգացմանը և զբաղվածության ավելացմանն ուղղված սոցիալ-տնտեսական աջակցության ծրագրերի շրջանակում։
Ղահրամանովը նշել է, թե Ղարաբաղի համալսարանն ունի ավելի քան 2000 ուսանող, որոնք մասնակցում են տարբեր սոցիալական և նորարարական նախագծերի։ Նա հավելել է՝ տարածաշրջանի կայուն զարգացումը և բնակիչների վերադարձը մնում են Ադրբեջանի համար առաջնահերթություններ։
Թարգմանությունը՝ Էմմա Չոբանյանի
