12.01.2026 | 12:21
Ուրբաթ օրվանից Իրանից տեղեկություն չունենք, դա մեզ շատ է անհանգստացնում․ Սինանյան․ ՏԵՍԱՆՅՈՒԹ
Պետք է փնտրել դրականը․ Սպերցյանը՝ Պորտուգալիայից կրած պարտության մասին
24.11.2025 | 19:24
Հայաստանի ազգային հավաքականի ավագ, ռուսական «Կրասնոդարի» կիսապաշտպան Էդուարդ Սպերցյանը վերհիշել է ԱԱ-2026-ի եվրոպական գոտու որակավորման մրցաշարի վերջին տուրի խաղում Պորտուգալիայից կրած 1:9 հաշվով պարտությունը։
«Սա մոտիվացիա է՝ աշխատելու ավելի շատ, ավելի քրտնաջան։ Սովորում ես նման վարպետներից։ Պետք է փնտրել դրականը։ Ամենահեշտը՝ ամեն ինչ թողնելն ու գլուխը կախելն է։ Հոգեբանությունը կարևոր մաս է սպորտում։ Անձնական առումով գուցե կարևոր պահ էր, որ գոլ խփեցի, նաև՝ հավաքականի համար։ Բայց այստեղ պետք է մի քիչ ուրիշ բան վերցնել»,- Էդուարդ Սպերցյանի խոսքը մեջբերում է «Чемпионат»-ը։
Հիշեցնենք, որ պորտուգալացիների դեմ խաղում Էդուարդ Սպերցյանը Հայաստանի հավաքականում գոլերի թիվը հասցրել էր 11-ի։ Ազգային թիմի պատմության լավագույն ռմբարկուների ցուցակում 25-ամյա կիսապաշտպանը հավասարվել էր կարիերան ավարտած Արթուր Պետրոսյանին և Մարկոս Պիզելիին, որոնց հետ բաժանում է 4-6-րդ տեղերը։
