23.02.2026 | 09:33
Երևանի քաղաքապետարանի գործակարգավարական նիստը. ՈՒՂԻՂ
Թույլատրելի նորմերին չհամապատասխանող սարքերով համալրված 167 տրանսպորտային միջոց է հայտնաբերվել
24.11.2025 | 16:18
Նոյեմբերի 2-ից ուժի մեջ են մտել Վարչական իրավախատումների վերաբերյալ օրենսգրքում կատարված փոփոխությունները։ ՆԳՆ ոստիկանությունից մանրամասնում են, որ«Երթևեկության կանոնների պահպանումը միայն լուսացույցներին ու ճանապարհային նշաններին հետևելը չէ։ Քաղաքացիների անդորրը չխաթարելը, մեքենա վարելիս անհարկի աղմուկ չստեղծելը նույնպես անվտանգ երթևեկության ապահովման կարևոր բաղադրիչներից է»։
«Պատասխանատվության են ենթարկվում այն վարորդները, որոնց մեքենաներում տեղադրված են ստանդարտին չհամապատասխանող խլացուցիչներ, նվագարկիչների լրացուցիչ ուժեղացուցիչներ կամ բարձրախոսներ։
Օրենսդրական փոփոխություններն ուժի մեջ մտնելուց հետո՝ նոյեմբերի 2-ից մինչ օրս, Պարեկային ծառայության ստորաբաժանումների կողմից Երևանում և մարզերում ստուգվել է 1492 ավտոմեքենա: Հայտնաբերվել է թույլատրելի նորմերին չհամապատասխանող սարքավորումներով համալրված 167 տրանսպորտային միջոց։
Իրավախախտ վարորդները ենթարկվել են վարչական պատասխանատվության՝ նվազագույն աշխատավարձի տասնապատիկի չափով տուգանք և նորմերին չհամապատասխանող խլացուցիչների, բարձրախոսների և լրացուցիչ ուժեղացուցիչների բռնագրավում՝ տուգանային 2 միավորի կիրառմամբ:
ՆԳՆ ոստիկանության Պարեկային ծառայությունը հորդորում է խստորեն պահպանել ճանապարհային երթևեկության կանոնները»,- ասված է հաղորդագրությունում։
Հիշեցնենք, որ մեքենաներում տեղադրված լրացուցիչ ուժեղացուցիչներ և խլացուցիչներ հայտնաբերելու դեպքում վարորդները տուգանվում են նվազագույն աշխատավարձի տասնապատիկի չափով, իրավապահները նրանց սարքավորումները բռնագրավում են և տուգանային 2 միավոր իջեցնում։
Factor.am-ը անդրադարձել է թեմային իր՝ ««Նենց տեղեր պահենք՝ չերևա»․ ինչպես են վարորդները խուսափում բարձր երաժշտության համար տուգանքից» վերտառությամբ հրապարակման մեջ։
