07.09.2026 | 13:33
Պուտինը զանգահարել է Ալիևին․ քննարկվել են առևտրատնտեսական ու հումանիտար հարցեր
Մի՛ հավատացեք, մինչև չտեսնեք․ Թրամփը՝ Ուկրաինայի շուրջ բանակցություններում առաջընթացի մասին
Քաղաքականություն
24.11.2025 | 15:10
ԱՄՆ նախագահ Դոնալդ Թրամփը իր TruthSocial սոցիալական ցանցում մեկնաբանել է Ուկրաինայում պատերազմը դադարեցնելու մասին բանակցությունները։
«Իսկապես հնարավո՞ր է, որ Ռուսաստանի և Ուկրաինայի միջև խաղաղության բանակցություններում մեծ առաջընթաց է գրանցվում։ Մի՛ հավատացեք, մինչև չտեսնեք, բայց ինչ-որ լավ բան կարող է տեղի ունենալ»,- գրել է Թրամփը։
Այժմ բանակցություններ են ընթանում Ուկրաինայի, ԱՄՆ-ի ու եվրոպական երկրների ներկայացուցիչների միջև։ Կրեմլը հայտնում է, որ Մոսկվան դեռևս պաշտոնապես որևէ ծրագիր չի ստացել։
Միաժամանակ, Ուկրաինայի և ԱՄՆ-ի պաշտոնյաները հայտարարել են, որ երկու երկրների պատվիրակությունների համատեղ ջանքերով պատրաստել են թարմացված «շրջանակային փաստաթուղթ» Ուկրաինայում խաղաղության հասնելու համար Ժնևում կայացած «արդյունավետ բանակցությունների» ընթացքում։
Թարգմանությունը՝ Էմմա Չոբանյանի
