Ալիևի հիշատակած քարտեզում գրված է Գյոյչա, սակայն գրված չէ Ադրբեջան․ Քոչինյան․ ՏԵՍԱՆՅՈՒԹ

«Ադրբեջանի նախագահի խոսքը որևէ կերպ չարդարացնելով կամ չպաշտպանելով, ինձ համար դա քննադատելի խոսք է եղել, բայց եկեք արձանագրենք, որ ինքը Սևանը չի անվանել Գյոյչա։ Ինքը ասել է, որ կա ռուսական կայսրության քարտեզ, որտեղ Սևանա լճի վրա գրած է Գյոյչա։ Ի դեպ, այդ նույն քարտեզի մեջ «Ադրբեջան» բառը չկա։ Այո’, ռուսական կայսրությունում կան նման քարտեզներ, կան քարտեզներ, որտեղ գրած է և՛ Սևան, և՛ Գյոյչա, կա, որտեղ գրած է միայն Սևան։ Բայց հենց այդ քարտեզի վրա, որի վրա մատնանշել է Ադրբեջանի նախագահը, չկա գրած Ադրբեջան»,- Բաքվից վերադառնալուց հետո հրավիրված մամուլի ասուլիսի ժամանակ հայտարարել է «Անվտանգային քաղաքականության հետազոտական կենտրոն» ՀԿ Նախագահ Արեգ Քոչինյանը։

Նշենք՝ «Խաղաղության կամուրջ» նախաձեռնության շրջանակներում Հայաստանից քաղաքացիական հասարակության ներկայացուցիչների խումբը մեկնել էր Բաքու` տեղում քաղհասարակության և իշխանության ներկայացուցիչների հետ հանդիպումներ ունենալու նպատակով։

«Գիտե՞ք, այդ երկու կողմերին էլ սա ինչ-որ չափով բնորոշ է, երբ որ նույն քարտեզի վրա մարդիկ տեսնում են այն, ինչը որ իրենք են ուզում և չեն տեսնում այդ քարտեզի շարունակությունը։ Մենք անընդհատ ճշմարտության, տարբեր իրադարձությունների, իրականության մեզ ձեռնտու մասն ենք միայն տեսնում, բայց ես կարծում եմ, որ կարևոր է արձանագրել, թե կոնկրետ ինչ է ասել այդ մարդը ու դրանից ելնել»,- նշեց Քոչինյանը։

Մանրամասները՝ տեսանյութում։