Հասարակություն
24.11.2025 | 12:22Հայաստանի երկրորդ նախագահ Ռոբերտ Քոչարյանի գործով դատավորն այսօրվա դատական նիստի ընթացքում խոսեց գործի ձգձգման մասին:
Դատավորը նշեց, որ գործը մեծածավալ է, և եթե գործով մեղադրյալների նոր մեղադրանքը համապատասխանի օրենքին, ապա իրենք անցնելու են գործի բուն քննությանը: Դատավորը դիմել է արհեստական բանականությանը՝ պարզելու համար, թե 800-ից ավելի վկա և 100-ից ավելի տուժող ունեցող գործի քննությունը որքան կտևի ամսական 1 անգամ նիստ անցկացնելու դեպքում, և պարզել, որ այդ հաճախականությամբ նիստեր նշանակելու դեպքում գործի քննությունը կտևի մոտ 8 տարի:
Դատարանը հայտնեց որ եթե նոր մեղադրանքները համապատասխանեն օրենքին, և գործի քննությունը շարունակվի, ապա 2026-ի հունվարից սկսած՝ նիստերը նշանակվելու են շաբաթական 1 անգամ:
Արաքս Մամուլյան
