29.06.2026 | 18:10
ՔՊ-ն ԱԺ փոխնախագահի թեկնածուների կընտրի // Մոսկվան կրկին ՀՀ-ի եվրաինտեգրումից է խոսել․ ԼՈՒՐԵՐ
Meta-ն թաքցրել է Facebook-ի օգտատերերի հոգեբանության վրա բացասական ազդեցության վերաբերյալ սեփական հետազոտությունը
Հաղորդաշարեր
24.11.2025 | 16:54
Meta ընկերությունը թաքցրել է Facebook-ի օգտատերերի վրա բացասական հոգեբանական ազդեցության վերաբերյալ իր սեփական հետազոտությունը՝ դադարեցնելով ուսումնասիրությունը, որում ներկայացվել են դրա ապացույցները։ Այս մասին գրում է Reuters-ը, որին վկայակոչում է DW-ի ռուսական ծառայությունը։
Գործակալությունը վկայակոչում է Facebook-ի և Instagram-ի սեփականատեր Meta-ի ու ԱՄՆ դպրոցական շրջանակների միջև դատական գործընթացներում ներկայացված փաստաթղթերը սոցիալական ցանցերի կողմից դեռահասների համար պատճառվող վնասի վերաբերյալ։
Փաստաթղթերի համաձայն՝ 2020 թվականին Meta-ն մեկնարկել է «Project Mercury» անունով հետազոտական նախագիծ։ Հետազոտության շրջանակում Facebook-ի օգտատերերին խնդրել են որոշ ժամանակով ընդմիջում վերցնել սոցիալական ցանցից։ Reuters-ը հաղորդում է, որ ընդամենը մեկ շաբաթ «օֆլայն» ժամանակ անցկացնելուց հետո մասնակիցները հայտնել են «դեպրեսիայի, անհանգստության, միայնության և ավելի պակաս սոցիալական ճնշման զգացողությունների մասին»։
Հետազոտությունը կարճ ժամանակ անց դադարեցվել է, դրա արդյունքները չեն հրապարակվել։
Meta-ի ներկայացուցիչը հերքել է ուսումնասիրության մասին տեղեկատվությունը թաքցնելու մեղադրանքները: Նա ասել է, որ այն դադարեցվել է մեթոդաբանական թերությունների պատճառով։
Թարգմանությունը՝ Էմմա Չոբանյանի
