23.02.2026 | 09:33
Երևանի քաղաքապետարանի գործակարգավարական նիստը. ՈՒՂԻՂ
Մեր հանդիսատեսը սկսել է «ռիլակլիպային» մտածել, հայ թատրոնը հետ է մնացել տենդենցներից. Բաբայան. ՏԵՍԱՆՅՈՒԹ
Հաղորդաշարեր
22.11.2025 | 19:00
«Այսօրվա թատրոնը պետք է լինի տեխնոլոգիապես զարգացած, մասնագետները պետք է համապատասխանեն պահանջներին, թվային տեխնիկայի, լուսային, ձայնային, բեմական բոլոր սարքավորումների տեսակետից հայ թատրոնը շատ հետ է մնացել աշխարհի տենդենցներից: Մինչդեռ ժամանակը դա է պահանջում»,- Factor TV-ի հետ զրույցում տեսակետ է հայտնում Հովհ.Թումանյանի անվան ազգային տիկնիկային թատրոնի գեղարվեստական ղեկավար Ռուբեն Բաբայանը:
Ի դեպ, թատրոնը վերջերս նշեց հիմնադրման 90-ամյակը: Հարցին, թե տարիների ընթացքում ինչ փոխակերպումների է ենթարկվել Հայաստանի հանդիսատեսը, ռեժիսորը պատասխանում է.
«Հանդիսատեսը սկսել է «ռիլակլիպային» մտածել, վիզուալ փոփոխություններն արագ է ընկալում, դա նորմալ է, ժամանակի պահանջն է: Դա չի նշանակում, որ թատրոնը պետք է մասսայական պահանջների հետևից գնա, բայց պետք է նաև մտածի իր հանդիսատեսի մասին»,- ասում է մեր զրուցակիցը: Հետաքրքրվեցինք`արդյոք Տիկնիկային թատրոնն իրեն անկախ թատրոն համարո՞ւմ է, ունի՞ կամ կարո՞ղ է ունենալ, օրինակ, օրվա իշխանությանը քննադատող ներկայացում. «Թատրոնի ուսումնասիրության թեման ո´չ իշխանությունն է, ո´չ ընդդիմությունը, ոչ ազգային խնդիրները. մարդն է: Թատրոնի առաքելությունը ազատ մտածող մարդ «դաստիարակելն է», պետք է մարդուն տալ ինքնուրույն մտածելու և որոշումներ կայացնելու հնարավորության հաճույքը»,-պատասխանում է Ռուբեն Բաբայանը:
Մանրամասները`տեսանյութում:
Աննա Բաբաջանյան
