28.04.2026 | 16:06
Մեկ շաբաթից կտեսնենք նաև Ֆրանսիայի հետ երկար բանակցված փաստաթղթի ստորագրումը
Վարչապետն Աստանայում այցելել է «alem.ai» արհեստական բանականության կենտրոն
Քաղաքականություն
21.11.2025 | 22:48
Կառավարության մամուլի ծառայությունից տեղեկացնում են, որ վարչապետ Նիկոլ Փաշինյանը Ղազախստանի վարչապետ Օլժաս Բեկտենովի ուղեկցությամբ այցելել է «alem.ai» արհեստական բանականության կենտրոն:
«Շրջայցի ընթացքում վարչապետին է ներկայացվել կենտրոնի գործունեությունը: Մասնավորապես՝ նշվել է, որ կենտրոնի նպատակն է արհեստական բանականությանը գործիքների միջոցով նպաստել պետական համակարգում մատուցվող ծառայությունների որակի բարձրացմանը, տարբեր մարմիններում թվայնացմանը և այլն:
Կարևորվել է այս ուղղությամբ համագործակցությունն ու փորձի փոխանակումը»,- ասված է հաղորդագրությունում:
Ավելի վաղ Նիկոլ Փաշինյանը և Ղազախստանի Հանրապետության նախագահ Կասիմ-Ժոմարտ Տոկաևը հանդիպում են ունեցել, որից հետո ստորագրել են համատեղ հայտարարություն: Երկու երկրների ղեկավարների ներկայությամբ, տեղի է ունեցել Հայաստանի և Ղազախստանի միջև փաստաթղթերի փոխանակման արարողություն:
Կասիմ-Ժոմարտ Տոկաևը վարչապետ Փաշինյանին պարգևատրել է Ղազախստանի պետական բարձրագույն պարգևով։ Աստանայում տեղի է ունեցել Մեսրոպ Մաշտոցի անվան փողոցի բացման հանդիսավոր արարողությունը։
