30.06.2026 | 03:40
ԱԱ-2026. Գերմանիան դուրս մնաց պայքարից. ՏԵՍԱՆՅՈՒԹ
Փաշինյանը Ղազախստանի թանգարանին է նվիրել արջակերպ անոթի պատճենը, որի բնօրինակը պահվում է Հայաստանի պատմության թանգարանում
Քաղաքականություն
21.11.2025 | 19:53
Աստանայում անցկացվող պաշտոնական այցի շրջանակում ՀՀ վարչապետ Նիկոլ Փաշինյանն այցելել է Ղազախստանի ազգային թանգարան, որտեղ Ղազախստանի վարչապետ Օլժաս Բեկտենովի ուղեկցությամբ շրջել է ցուցադրություններով և թանգարանին նվիրել է Ք․հ․ 1–2-րդ դարերի եզակի արջակերպ գինու մատուցման անոթի պատճենը, որի բնօրինակը պահվում է Հայաստանի պատմության թանգարանում։
Կառավարության մամուլի ծառայությունից տեղեկացնում են, որ վարչապետին ուղեկցել է Ղազախստանի վարչապետ Օլժաս Բեկտենովը:
«Նիկոլ Փաշինյանը շրջել է թանգարանով, ծանոթացել ներկայացված ցուցանմուշներին: ՀՀ վարչապետը գրառում է կատարել նաև պատվավոր հյուրերի մատյանում:
Վարչապետը Ղազախստանի ազգային թանգարանին է նվիրել Ք. հ. 1-2-րդ դդ.. Արջակերպ գինու մատուցման անոթ, որի բնօրինակը գտնվում է Հայաստանի պատմության թանգարանում:
Այն պեղվել է Արտաշատ մայրաքաղաքի 8-րդ բլրի արհեստավորական թաղամասի ռիտոններով սրահից` 1980-ական թվականներին: Թաղամասի միայն այս սենյակից պեղվել են հարյուրավոր անոթներ, թասեր, գունազարդ ափսեներ, գեմմա և այլն»,- ասված է հաղորդագրությունում:
