19.08.2026 | 14:05
Լարված խոսակցություն Արման Եղոյանի և Ռուբեն Մխիթարյանի միջև
Կիրակի կամփոփվեն Վաղարշապատի ընտրությունների վերջնական արդյունքները
Քաղաքականություն
21.11.2025 | 20:24
Նոյեմբերի 23-ին` ժամը 12:00-ին, տեղի կունենա թիվ 14 տարածքային ընտրական հանձնաժողովի արտահերթ նիստը, որի ընթացքում կամփոփվեն Վաղարշապատ համայնքի ՏԻՄ ընտրությունների քվեարկության վերջնական արդյունքները։ Այս մասին հայտնում է Կենտրոնական ընտրական հանձնաժողովը։
Նախնական տվյալներով՝ Վաղարշապատի համայնքապետի ընտրությունում հաղթել է «Քաղաքացիական պայմանագիր» կուսակցության թեկնածու Արգիշտի Մեխակյանը։ Երկրորդ տեղում «Հաղթանակ» դաշինքն է, երրորդը՝ «Մայր Հայաստան» ազգային-դեմոկրատական կուսակցությունը։
Հիշեցնենք, որ ընտրությունների հաջորդ օրը «Հաղթանակ» դաշինքի անդամների տներում տեղի ունեցան խուզարկություններ, որից հետո քրեական վարույթի շրջանակներում 5 անձ մեղադրյալի դատավարական կարգավիճակ ստացավ։ Հակակոռուպցիոն կոմիտեից հայտնել են, որ քրեական վարույթ նախաձեռնվել է ընտրակաշառք ստանալու, տալու և ընտրակաշառքի միջնորդության դեպքերի առթիվ։ Նրանց նկատմամբ ընտրվել են անազատության հետ չկապված խափանման միջոցներ։
Սևակ Խաչատրյանն ընտրություններից հետո տված ասուլիսում հայտնել է, որ մեղադրյալի կարգավիճակ ունեցողներից երեքին է ճանաչում, որոնցից երկուսը գործող ավագանու անդամներ են։ Փաստաբան Ալեքսանդր Կոչուբաևը Factor.am-ի հետ զրույցում նշել է, որ կենցաղային խոսակցությունը վերածվել է քրեական վարույթի։ Հակակոռուպցիոն կոմիտեն մեղադրյալներին կալանավորման միջնորդություն չի ներկայացրել։
Անի Թամրազյան
