01.11.2026 | 16:55
Մթնոլորտային օդում փոշու պարունակությունը՝ Վանաձորում և Ալավերդիում
«Խի՞ եք ձեռնպահ քվեարկել»․ Վլադիմիր Վարդանյանը՝ Արծվիկ Մինասյանին․ ՏԵՍԱՆՅՈՒԹ
Քաղաքականություն
21.11.2025 | 14:03
Քաղաքացիական օրենսգրքով նախատեսվում է հանրային իշխանության և նրանց պաշտոնատար անձանց գործողություններով ու անգործությամբ պայմանավորված մի շարք հիմնարար իրավունքների խախտման դեպքում ոչ նյութական վնասի հատուցման հնարավորություն՝ որպես պահանջ նախատեսելով այն, որ խախտումը պետք է հաստատված լինի նախաքննական մարմնի, դատախազի կամ դատարանի կողմից։
Ազգային ժողովի պետաիրավական հանձնաժողոովի այսօրվա նիստում արդարադատության փոխնախարար Աննա Կարապետյանը նշեց, որ ոչ նյութական վնասի հատուցման ինստիտուտի գործարկման համար դատական դեպարտամենտից ստացվել են տվյալներ այն մասին, որ վերջին տարիներին առաջին ատյանի ընդհանուր իրավասության դատարաններում Քաղաքացիական օրենսգրքի համապատասխան հոդվածով նախատեսված կարգով ոչ նյութական վնասի հատուցման պահանջով կա հետևյալ պատկերը։
«2021 թվականին ներկայացվել է շուրջ 26 քաղաքացիական գործ, 2022 թվականին՝ 42 քաղաքացիական գործ, 2023 թվականին՝ 11, և 2024 թվականին՝ 28 քաղաքացիական գործ: Նախագիծը խմբագրվել է, և եթե մենք նախկինում նախատեսում էինք, որ ոչ նյութական վնասի հատուցման հայցադիմումներով փաստացի անձանց հայցադիմումի վճարումը՝ պետական տուրքի, նախատեսված էր արտոնություն՝ հետաձգման ձևով, ապա այժմ նախագիծը խմբագրվել է, և մենք նախատեսում ենք արտոնություն հենց փաստացի տուրքի ազատման ձևով»,-նշեց Կարապետյանը։
Մանրամասները՝ տեսանյութում։
