31.10.2026 | 13:24
Ըմբշամարտի ԱԱ. Հայաստանի վերջին ներկայացուցիչները պարտվեցին
«Հայաստանը»-ը հրաժարվեց իր առաջարկից․ ստեղծվող նոր մարմինը 5 անդամ կունենա․ ՏԵՍԱՆՅՈՒԹ
Քաղաքականություն
21.11.2025 | 13:54
Տեղեկատվական համակարգերի կարգավորման նոր ստեղծվող հանձնաժողովը 5 հոգանոց կազմ կունենա։ Այս մասին հայտարարեց պատգամավոր Արծվիկ Մինասյանը՝ պետական-իրավական հարցերի մշտական հանձնաժողովում «Կիբեռանվտանգության մասին» և կից օրենքներում լրացումներ և փոփոխություններ կատարելու մասին օրենքների նախագծերի փաթեթի քննարկման ժամանակ։ Առաջինից երկրորդ ընթերցումների ընթացքում փաթեթը լրամշակվել էր, «Հայաստան» խմբակցությունն առաջարկել էր հանձնաժողովի անդամների թիվը դարձնել 6, սակայն հետո հրաժարվեց ներկայացված առաջարկից։
«Հանձնաժողովի անդամները կընտրվեն հետևյալ ձևով․ առաջին կազմը՝ նախագահը՝ հինգ տարի, կառավարության երկու առաջադրումները՝ չորս-երեք, և իշխող և ընդդիմադիր խմբակցությունների կողմից առաջադրվող հանձնաժողովի անդամները՝ երկուական տարով։ Խնդրում եմ այս առաջարկությունը քվեարկության դրվի, և դրական դիրքորոշման դեպքում, նաև, մինչև քննարկումը, խմբագրումը այդ տեսքով լինի»,-նշեց նա։
Փաթեթով հարակից զեկուցող, պետաիրավական հանձնաժողովի նախագահ Վալդիմիր Վարդանյանը ընդգծեց ոլորտի կանոնակարգման անհրաժեշտությունը, հատկապես այս իրավիճակում, երբ ՀՀ-ն դժվարությունների է հանդիպում կապված և՛ թվային տեխնոլոգիաների օգտագործման, և՛ ընդհանրապես կիբերտիրույթում առկա խնդիրների լուծման և կիբերհիգիենայի պահպանման առումով։
«Շատ կարևոր է, որ մենք կարողանում ենք նախատեսել այնպիսի լուծումներ այս նախագծի շրջանակներում, որոնք թույլ կտան ոչ միայն իշխանությանը, այլև ընդդիմությանը մասնակցային և գործընկերային դիրքորոշում ունենալ այս հանձնաժողովի ձևավորման հարցում»,-նշեց Վարդանյանը։
Մանրամասները՝ տեսանյութում։
