19.05.2026 | 14:08
Իրանի խաղաղության նոր առաջարկը ներառում է պատերազմական վնասի փոխհատուցում և ամերիկյան զորքերի դուրսբերում
Ռուսաստանն Ուկրաինային 1000 զինծառայողի մարմին է փոխանցել
Քաղաքականություն
20.11.2025 | 16:30
ՌԴ-ն ուկրաինական կողմին է փոխանցել 1000 մարմին, որոնք, ռուսական կողմի հավաստմամբ, Ուկրաինայի զինված ուժերի զոհված զինվորներ են: Շուտով կսկսվեն նույնականացման աշխատանքները։ Այս մասին հաղորդում է ՌԲԿ Ուկրաինան՝ հղում անելով ռազմագերիների հետ վարվելակերպի համակարգող շտաբին։
«Իրավապահ մարմինների քննիչները, Ներքին գործերի նախարարության փորձագիտական հաստատությունների հետ համատեղ, շուտով կանցկացնեն բոլոր անհրաժեշտ փորձաքննությունները և կնույնականացնեն հայրենադարձված մարմինների ինքնությունը»,- ասվում է հաղորդագրության մեջ։
Նշվում է, որ միջոցառումներն իրականացվել են Համակարգող շտաբի, Ուկրաինայի անվտանգության ծառայության, Ուկրաինայի զինված ուժերի, Ներքին գործերի նախարարության, Արտակարգ իրավիճակների պետական ծառայության և այլ պետական մարմինների համատեղ ջանքերի շնորհիվ: Լրացուցիչ օգնություն է ցուցաբերել Կարմիր խաչի միջազգային կոմիտեն:
Ռուսաստանն իր հերթին ստացել է 30 զոհված զինվորի մարմիններ, ասել է ՌԴ Պետդումայի պատգամավոր Շամսաիլ Սարալիևը, որը ռազմական գործողությունների խորհրդարանական համակարգող խմբի ներկայացուցիչն է։
Զոհերի մարմինների վերջին լայնածավալ փոխանակումը տեղի էր ունեցել հոկտեմբերին․ հոկտեմբերի 23-ին ռուսները 1000 մարմին էին վերադարձրել ուկրաինական կողմին։
Թարգմանությունը՝ Էմմա Չոբանյանի
