13.05.2026 | 23:30
Ադրբեջանը հիշատակվում է Պենտագոնի կողմից հրապարակված չբացահայտված թռչող օբյեկտների ֆայլերում
«Բարսելոնան» խնդրել էր Լևանդովսկուն գոլ չխփել, որպեսզի չվճարի «Բավարիային». աղբյուր
20.11.2025 | 16:10
Կատալոնական «Բարսելոնան» խնդրել է լեհ հարձակվող Ռոբերտ Լևանդովսկիին չխփել գոլեր, որպեսզի բոնուս չվճարի Մյունխենի «Բավարիային»։ Այդ մասին նշված է «Լևանդովսկի. իրականը» գրքում, որը լույս է տեսել Լեհաստանում, գրում է Cadena SER-ը։
Ըստ գրքի՝ կատալոնական ակումբը 37-ամյա ֆուտբոլիստին նման խնդրանքով դիմել է 2022/23 մրցաշրջանի վերջնամասում։ Եթե Լևանդովսկին այդ մրցաշրջանում Իսպանիայի Լա լիգայում խփեր 25-ից ավելի գոլ, ապա կատալոնացիները պետք է 2,5 միլիոն եվրո բոնուս վճարեին նրա նախորդ ակումբ «Բավարիային»։
Այդ պահին «Բարսելոնան» արդեն ապահովել էր չեմպիոնական տիտղոսը Չավիի գլխավորությամբ, իսկ Լևանդովսկին 23 գոլով գլխավորում էր ռմբարկուների ցուցակը։ Մարզումներից մեկից հետո ֆուտբոլիստին խնդրել էին մտնել մի սենյակ, որտեղ ղեկավարներ կազմի անդամներն էին, այդ թվում՝ ակումբի նախագահ Ժոան Լապորտան։ Այնտեղ, ըստ գրքի հեղինակի, ղեկավարներից մեկը ասել է․ «Ռոբերտ, մենք ուզում ենք, որ վերջին խաղերում մի փոքր արգելակես գոլերի հարցում»։
«Հարձակվողը չէր կարողանում հավատալ իր լսածին։ Թեպետ չեմպիոնությունն ու լավագույն ռմբարկուի տիտղոսը գործնականում արդեն որոշված էին, սակայն իր տպավորիչ կարիերայի ընթացքում երբեք ոչ ոք նրան չէր խնդրել դադարեցնել գոլեր խփելը»,- գրված է գրքում։
Արդյունքում՝ Լևանդովսկին Իսպանիայի առաջնության վերջին երկու տուրերի խաղերում գոլ չէր խփել։
