09.06.2026 | 15:37
Վայրի կենդանիների և բույսերի պահպանության օրենսդրական բարեփոխումները գործնական փուլում են
«Հայրիկ» ռեստորանում միջադեպ է եղել, քրեական վարույթ է նախաձեռնվել
Հասարակություն
19.11.2025 | 18:41
«Հայրիկ» ռեստորանում տեղի ունեցած միջադեպի առթիվ նախաձեռնվել է քրեական վարույթ։ Քննչական կոմիտեից Factor TV-ի հարցին ի պատասխան հայտնում են, որ դեպքի առթիվ նախաձեռնվել է քրեական վարույթ՝ Քրեական օրենսգրքի 171-րդ հոդվածի 2-րդ մասի 5-րդ կետով (առողջությանը թեթև վնաս պատճառելը, որը կատարվել է մի խումբ անձանց կողմից) և 297-րդ հոդվածի 2-րդ մասի 1-ին կետով (խուլիգանությունը): Նշանակվել է դատաբժշկական փորձաքննություն։
Նշենք, որ այսօլր Shamshyan.com-ը գրել էր այն մասին, որ նոյեմբերի 13-ին Ներքին գործերի նախարարությունում տեղեկություն է ստացվել, որ «ճակատի պատռված վերք» ախտորոշմամբ «Հերացի թիվ 1» հիվանդանոցային համալիր օտարերկրացի կին է տեղափոխվել։
«Պարզվել է, որ վիրավորը ՌԴ քաղաքացի 25-ամյա Յուլյա Պ․-ն է, որը հայտնել է՝ վնասվածքը ստացել է Պարոնյան փողոցի 40 հասցեում գործող «Հայրիկ» ռեստորանի «VIP» սրահում՝ անձնական հարցերի շուրջ ծագած վիճաբանության ընթացքում։
Ոստիկանների կողմից ձեռնարկված միջոցառումների արդյունքում պարզվել է, որ Յուլյա Պ․-ն նշված վայրում գտնվել է Երևանի բնակիչներ 34-ամյա Սերյոժա Գ․-ի, 39-ամյա Վահան Բ․-ի, Վայոց ձորի մարզի բնակիչ 38-ամյա Դավիթ Հ․-ի և Արմավիրի մարզի բնակիչ 41-ամյա Սարո Թ․-ի հետ միասին»,- հայտնել է կայքը։
Արաքս Մամուլյան
