11.09.2026 | 17:31
«Թերեզա» գազավորված ըմպելիքների արտադրությունը կասեցվել է
Բենզեման հայտնել է, թե որքան է ծրագրում խաղալ
19.11.2025 | 16:24
Ֆրանսիայի հավաքականի ու Մադրիդի «Ռեալի» նախկին հարձակվող Կարիմ Բենզեման խոստովանել է, որ դեռ վերջնական որոշում չի կայացրել Սաուդյան Արաբիայի գործող չեմպիոն «Ալ Իթիհադում» իր ապագայի վերաբերյալ։ 37-ամյա ֆուտբոլիստի պայմանագրի ժամկետը լրանում է 2026թ․ ամռանը, հաղորդում է As-ը։
«Դեռ չեմ կարող ասել՝ պայմանագրի ավարտից հետո կմնամ, թե՝ ոչ։ Դա կախված է մի շարք գործոններից։ Դեկտեմբերին դառնալու եմ 38 տարեկան։ Դեռ 2 տարի ինձ տեսնում եմ ֆուտբոլում։ Տեսնենք, թե ինչ կլինի ապագայւմ և ինչ է մտածում ակումբը։ Ինձ համար լավագույն տարբերակը կլինի այստեղ մնալը։ Կարծում եմ՝ Սաուդյան Արաբիայում ֆուտբոլի մակարդակն աստիճանաբար բարձրանում է։
Այո, ես առաջարկներ ունեմ Եվրոպայից։ Անհրաժեշտ է քննարկել բոլոր տարբերակները և կայացնել ճիշտ ընտրություն»,- ասել է 2022թ․ «Ոսկե գնդակի» դափնեկիրը։
Հարցին, թե ինչ կանի Բենզեման, եթե «Ռեալի» նախագահ Ֆլորենտինո Պերեսն առաջարկի վերադառնալ, ֆրանսիացին պատասխանել է․ «Նա մարդ է, ում ես երբեք չեմ կարող մերժել։ Ֆլորենտինոն յուրահատուկ է։ «Ռեալը» միշտ կլինի իմ թիմը։ Մինչև օրս դիտում եմ նրանց խաղերը։ Այդպես եղել է ու միշտ կլինի։ Դա աշխարհի լավագույն ակումբն է»։
Կարիմ Բենզեման 2023 թվականից է խաղում «Ալ Իթիհադում», իսկ «Ռեալում» հանդես է եկել 2009-2023թթ․։
