80 գրամ օճառ, 30 մլ շամպուն, 15 մլ ատամի մածուկ․ փոփոխություններ կկատարվեն դատապարտյալներին տրամադրվող հիգիենայի պարագաների չափաբաժիններում 

Դատապարտյալների տրամադրվող հիգիենայի պարագաների չափաբաժիններում փոփոխություններ կկատարվեն։ Նախագիծը հանրային քննարկման է ներկայացրել Արդարադատության նախարարությունը։

Հոկտեմբերի 20-ին ՀՀ ԱՆ քրեակատարողական ծառայության գլխավոր քարտուղարի կողմից ՔԿՀ-ներ են ուղարկվել շրջաբերական գրություններ, որոնցով հանձնարարվել է բոլոր հիմնարկներում իրականացնել դատապարտյալներին և կալանավորված անձանց տրամադրվող հիգիենիկ փաթեթից գոհունակության գնահատման վերաբերյալ անանուն հարցում:

Նշվում է, որ վերը նշված հարցումների արդյունքում ծառայության կենտրոնական մարմնի կողմից իրականացվել է վերլուծություն, որի հաշվառմամբ, նկատի ունենալով դատապարտյալի կարիքները՝ անհրաժեշտություն է առաջացել դատապարտյալների տրամադրվող հիգիենիայի պարագաների չափաբաժիններում կատարել փոփոխություններ: Մասնավորապես.

• 40 գրամ ձեռքի օճառի փոխարեն շաբաթական տրամադրել 80 գրամ,
• 20 մլ լոգանքի գելի փոխարեն շաբաթական տրամադրել 30 մլ,
• 20 մլ շամպունի փոխարեն շաբաթական տրամադրել 30 մլ,
• 6 մլ ատամի մածուկի փոխարեն շաբաթական տրամադրել 15 մլ,
• ատամի խոզանակը հանել շաբաթական տրամադրվող հիգիենիկ փաթեթի լրակազմից և տրամադրել առանձին՝ տարին 4 հատ՝ նոր՝ ավելի բարձր որակի ատամի խոզանակ՝ երկարատև օգտագործման նպատակով, իսկ լվացքի փոշին տրամադրել ոչ թե ամսական կտրվածքով, այլ յուրաքանչյուր 1 կգ լվացքի հաշվարկով՝ 100 գրամ չափաբաժնով,
• առաջարկվում է կանացի հիգիենայի միջոցները 10 հատի փոխարեն ամսական տրամադրել 20 հատ,
• առաջարկվում է տրամադրել նաև սպասք լվալու հեղուկ՝ ամսական 100 մլ, ինչպես նաև սանր՝ տղամարդու և կանացի, տարեկան՝ 2 հատ:

Բացի այդ, նախագծով առաջարկվում է դատապարտյալներին տրամարդել նաև խոհանոցային սպասք առաջին և երկրորդ ճաշատեսակների համար և բաժակ՝ յուրաքանչյուրից 3 հատ, բոլորը պատրաստված պլաստիկից, գդալները՝ ալյումինից։

Առաջարկվում է նաև ավելացնել իրենց մոտ մինչև երեք տարեկան երեխա ունեցող անձանց տրամադրվող որոշ հիգիենիկ պարագաների չափաբաժինները:

Եվգենյա Համբարձումյան