19.08.2026 | 15:19
Մոսկվայում և Մոսկվայի մարզում նավթային ընկերությունների բենզալցակայանները սահմանափակել են բենզինի վաճառքը
Հայաստանի և Իրանի մաքսային ծառայությունները խորացնում են համագործակցությունը
Քաղաքականություն
18.11.2025 | 19:48
ՀՀ ՊԵԿ նախագահ Էդուարդ Հակոբյանը ընդունել է Իրանի ֆինանսների նախարարության տնտեսական հարցերի փոխնախարար, մաքսային ծառայության ղեկավար Ֆորուդ Ասգարիի գլխավորած պատվիրակությանը։ Քննարկվել են երկու երկրների միջև առևտրային հոսքերի դյուրացման, մաքսային հսկողության կատարելագործման և համագործակցության ընդլայնման հարցեր։ Այս մասին տեղեկացնում են ՊԵԿ-ից։
Կողմերը առանձնահատուկ ուշադրություն են դարձրել նախնական էլեկտրոնային տվյալների փոխանակման համակարգի ներդրմանը, ինչպես նաև «Պարզեցված մաքսային միջանցքի» նախագծին, որը նպատակ ունի ստեղծել առավել բարենպաստ պայմաններ օրինապահ տնտեսվարողների համար։ Քննարկվել է նաև լիազորված տնտեսական օպերատորների փոխադարձ ճանաչման գործընթացի մեկնարկը։
Էդուարդ Հակոբյանը նշել է, որ իրականացվող բարեփոխումների արդյունքում աճել է բեռնատարների թողունակությունը և երկկողմ առևտրաշրջանառության ծավալները, իսկ առաջիկա տարում սահմանը նախատեսվում է ամբողջությամբ վերազինել նոր տեխնիկայով։ Իրանի մաքսային ծառայության ղեկավար Ֆորուդ Ասգարին ընդգծել է «Նորդուզ»-«Ագարակ» անցակետի ռազմավարական նշանակությունը և բարեփոխումների դրական ազդեցությունը ուղևորների համար։
Հանդիպման ավարտին կողմերը ստորագրել են համապատասխան արձանագրություն՝ վերահաստատելով համագործակցության խորացման պատրաստակամությունը։
