31.10.2026 | 12:28
Վահան Բիչախչյանը խաղադաշտ է վերադարձել շուրջ 3 ամսվա ընդմիջումից հետո. ՏԵՍԱՆՅՈՒԹ
Մեծ Բրիտանիան հետևում է Հայաստանի կառավարության և Հայ Առաքելական եկեղեցու միջև ստեղծված իրավիճակին. պետնախարար
Քաղաքականություն
18.11.2025 | 20:17
Մեծ Բրիտանիան հետևում է Հայաստանի կառավարության և Հայ Առաքելական եկեղեցու միջև ստեղծված իրավիճակին։ Այս մասին հայտարարել է Բրիտանիայի Եվրոպայի և Հյուսիսային Ամերիկայի հարցերով պետնախարար Սթիվեն Դաութին։
Նա խորհրդարանի նիստում պատասխանել է պատգամավոր Բրենդան Օ՛Հարայի հարցին, թե ի՞նչ քննարկումներ է ունեցել միջազգային գործընկերների հետ՝« Հայ Առաքելական եկեղեցու դեմ Հայաստանի կառավարության կողմից կատարվող հարձակումների վերաբերյալ, և ինչ դիվանագիտական քայլեր է ձեռնարկում՝ եկեղեցու պաշտպանությունն ապահովելու համար»։
«Մեծ Բրիտանիան հետևում է Հայաստանի կառավարության և Հայ Առաքելական եկեղեցու միջև ստեղծված իրավիճակին: Մենք ակնկալում ենք, որ բոլոր գործողությունները կհամապատասխանեն Հայաստանի սահմանադրական և իրավական շրջանակներին՝ ապահովելով պատշաճ դատավարության ընթացքը և բոլոր անձանց նկատմամբ արդարացի վերաբերմունք՝ օրենքների համաձայն, իսկ դատական գործընթացները մնան թափանցիկ և անաչառ»,- ասել է Դաութին։
Նա նշել է, որ Մեծ Բրիտանիայի կառավարությունը շարունակում է վճռականորեն հանձնառու լինել ամբողջ աշխարհում կրոնի կամ համոզմունքի ազատության իրավունքի խթանմանը և պաշտպանությանը:
Թարգմանությունը՝ Էմմա Չոբանյանի
