31.10.2026 | 12:28
Վահան Բիչախչյանը խաղադաշտ է վերադարձել շուրջ 3 ամսվա ընդմիջումից հետո
Իմ որդին 41 օր հիվանդանոցում է եղել, լավ էր, հետո մահացավ․ Սամվել Հարությունյանը հայրը՝ ՔԿ նախագահին․ ՏԵՍԱՆՅՈՒԹ
Հասարակություն
18.11.2025 | 14:39
Ազգային ժողովում շարունակվում է ««Մարտի 1-ի գործի» քննությունը նախորդող ժամանակահատվածում, «Մարտի 1-ի գործի» վերաիմաստավորումը «Ֆարմանյանը և այլք ընդդեմ Հայաստանի» գործով կայացված վճռի լույսի ներքո» թեմայով հանրային քննարկումը։
2008-ի հետընտրական արյունալի իրադարձությունների 10 զոհերից Սամվել Հարությունյանի հայրը՝ Էդիկ Հարությունյանը, հայտնեց, որ իր որդին 41 օր հիվանդանոցում է եղել, «լավ էր ու միանգամից մահացավ»։
«Ես ուզում եմ իմանամ՝ Դուք առաջնորդվելու եք էն հատորներով, որ ստեղծվել են Հատուկ քննչականի կողմից, դատախազության կողմից, դրանո՞վ եք առաջնորդվելու, թե՞ մեզ ներգրավելու եք, մեր կարծիքը հարցնելու եք կամ մեր իմացածը գնահատելու եք»,-հետաքրքրվեց նա։
Արթուր Պողոսյանն ի պատասխան նշեց, որ կա քրեական վարույթ, քննություն է կատարվում, գործի մի մասը դատարան է ուղարկվել, անջատված մասով դեռևս նախաքննություն է կատարվում։
«Էդ գործի մեջ չի կարող չլինել և չպահպանվել էն փաստաթղթերը, որոնք որ ի սկզբանե հավաքվել են՝ որպես փաստական տվյալ։ Եվ մենք անպայման հաշվի ենք առնում, անկախ նրանից, թե ով է վերցրել էդ փաստաթուղթը, ձեռք բերել էդ ապացույցը և ո՞ր ժամանակահատվածում։ Բայց այստեղ ապացույցի գնահատման հետ կապված խնդիր կա, որը, ըստ էության, մենք գնահատելու ենք, բնականաբար, էն տվյալները, էն փաստական տվյալները, որոնք որ, ըստ մեզ, արժանահավատ են և այլ ապացույցների հետ համադրության մեջ խոսում է այս կամ այն արարքը կատարելու մասին»,-նշեց նա։
Մանրամասները՝ տեսանյութում։
