28.04.2026 | 15:53
Կանադայի վարչապետը կմասնակցի Երևանում Եվրոպական քաղաքական համայնքի գագաթնաժողովին. հայտնի է՝ որ երկրներն են հրավիրված
Թրամփը պատրաստ է ստորագրել ՌԴ-ի դեմ պատժամիջոցների մասին օրինագիծը, եթե պահպանի սահմանափակումների վերաբերյալ վերջնական որոշումներ կայացնելու իրավունքը․ Reuters
Քաղաքականություն
18.11.2025 | 16:23
ԱՄՆ նախագահ Դոնալդ Թրամփը պատրաստ է ստորագրել Ռուսաստանի դեմ երկրորդական պատժամիջոցներ սահմանող օրինագիծը, եթե ինքը պահպանի ցանկացած սահմանափակումների վերաբերյալ վերջնական լիազորությունները։ Այս մասին հաղորդում է Reuters-ը՝ հղում անելով Սպիտակ տան բարձրաստիճան պաշտոնյային, փոխանցում է Meduza-ն։
Նրա խոսքով՝ Սպիտակ տունը պնդելու է երաշխիքների հարցում, որ ԱՄՆ նախագահը կպահպանի պատժամիջոցների նկատմամբ վերահսկողությունը։
«Սպիտակ տան և նախագահի համար միշտ կարևոր է եղել, որ պատժամիջոցների փաթեթը ներառի դրույթ, որը նախագահին երաշխավորում է դրանց վերաբերյալ վերջնական որոշումներ կայացնելու լիազորությունը։ Հետևաբար, եթե նման դրույթ ներառվի, կարծում եմ՝ նախագահը կքննարկի օրինագիծը ստորագրելու հարցը»,- ասել է Սպիտակ տան ներկայացուցիչը։
Նա այլ մանրամասներ չի հայտնել, միաժամանակ, հավելել է, որ Թրամփի վարչակազմը շարունակում է բանակցություններ վարել Ռուսաստանի հետ՝ Ուկրաինայում պատերազմը դադարեցնելու համար։
Ռուսաստանի դեմ երկկուսակցական երկրորդական պատժամիջոցների օրինագիծը, որը ներկայացրել են հանրապետական Լինդսի Գրեհեմը և դեմոկրատ Ռիչարդ Բլումենտալը, ներկայացվել է 2025 թվականի գարնանը։ Այն նախատեսում է 500% մաքսատուրք սահմանել ռուսական նավթ և գազ գնող երկրներից ներմուծվող ապրանքների վրա։ Գրեհեմը նոյեմբերի 17-ին գրել էր, որ պատժամիջոցների օրինագիծը նախագահ Թրամփին ավելի շատ լիազորություններ կտա Պուտինին խաղաղության բանակցությունների մղելու համար՝ «ճնշում գործադրելով ինչպես իր, այնպես էլ նրան աջակցող երկրների վրա, ինչպիսին է Իրանը»։
Ավելի վաղ էլ անդրադառնալով օրենքին՝ Թրամփը կրկին պատժամիջոցներով էր սպառնացել ՌԴ առևտրային գործընկերներին։
Թարգմանությունը՝ Էմմա Չոբանյանի
