31.10.2026 | 15:07
Միրզոյանն ու Լիբանանի ԱԳ նախարարը քննարկել են երկկողմ համագործակցության զարգացումը
Բաքվից հայտարարում են՝ ՀՀ քաղհասարակության ներկայացուցիչների Ադրբեջան այցի ամսաթվերը որոշված են
Քաղաքականություն
18.11.2025 | 13:52
Առաջիկա վեց ամիսների ընթացքում սպասվում է Ադրբեջանի քաղաքացիական հասարակության ներկայացուցիչների այցելությունների շարք Հայաստան, որը կդառնա երկխոսության սկսված գործընթացի շարունակությունը։ Այս մասին ադրբեջանական Report գործակալությանն ասել է Հարավային Կովկասի ուսումնասիրությունների ադրբեջանական կենտրոնի նախագահ Ֆարհադ Մամեդովը։
Նրա խոսքով՝ հոկտեմբերի 22-ին ադրբեջանական պատվիրակության այցը Հայաստան փոխգործակցության ավելի լայն ծրագրի մաս էր։
«Մեր ուղևորությունը միանգամյա գործողություն չէր. այն գործողության մաս է, որը ենթադրում է Հայաստան ադրբեջանական պատվիրակությունների ապագա այցեր և հայկական ատվիրակությունների այցեր Ադրբեջան։ Հետևաբար, ենթադրվում է, որ մենք առնվազն առաջիկա վեց ամիսների ընթացքում ևս մի քանի անգամ կայցելենք Հայաստան։ Հնարավոր է՝ խոսքը ոչ միայն մայրաքաղաքի, այլև առանձին շրջանների մասին է»,- նշել է նա։
Մամեդովն ընդգծել է, որ հայկական պատվիրակության այցը Ադրբեջան նախատեսված է մինչև տարեվերջ, և արդեն որոշվել են կոնկրետ ամսաթվերը։ Նա, սակայն, չի նշել հստակ ամսաթիվը։
«Գործընթացը կիրականացվի առաջիկայում։ Հանրությունը ժամանակին կտեղեկացվի ժամանման, քննարկումների ընթացքի և դրանց արդյունքների մասին։ Մեզ համար կարևոր է ոչ միայն հանդիպումն ինքնին, այլև շոշափելի արդյունքները՝ քննարկվելիք թեմաները և կոնկրետ նախագծերի իրականացումը»,- ընդգծել է ադրբեջանցի փորձագետը։
Նա հավելել է, որ հայկական պատվիրակությունը հանդիպումներ կունենա ինչպես ադրբեջանական աշխատանքային խմբի, այնպես էլ իշխանությունների բարձրաստիճան ներկայացուցիչների հետ։
Թարգմանությունը՝ Էմմա Չոբանյանի
