29.07.2026 | 16:30
Շաբաթների ընթացքում ՀԷՑ-ը կառավարության կողմից հանրային գերակա շահ կճանաչվի. Ռոմանոս Պետրոսյան․ ՏԵՍԱՆՅՈՒԹ
Թվայնացվել է հայ երաժշտության մեջ կարևոր տեղ զբաղեցնող 30 կամերային և սիմֆոնիկ ստեղծագործություն
Մշակույթ
18.11.2025 | 10:23
Թվայնացվել է հայ երաժշտության մեջ կարևոր տեղ զբաղեցնող 30 կամերային և սիմֆոնիկ ստեղծագործություն․ տեղեկացնում են Armenian National Music ընկերությունից։
«Այս քայլը շատ կարևոր է հայ մշակութային ժառանգության պահպանման գործում, քանի որ ներկայացված ստեղծագործությունները առանցքային դեր ունեն և սիրված են ունկնդրի շրջանում։
Նախաձեռնությունն իրականացրել են Armenian National Music-ը և hosq-ը։
Ստեղծագործությունները ընտրվել են այն սկզբունքով, որ դրանք մեծ պահանջարկ ունեն կատարողների կողմից։ Հիմնական շեշտադրում է արվել Ավետ Տերտերյանի 3-րդ սիմֆոնիայի թվայնացման վրա, քանի որ այդ ստեղծագործությունը հանդիսացել է «Նոթեյշնս» լաբորատորիայի հիմնաքարը, և հենց այդ ստեղծագործության շուրջ կառուցվել է հսկայական փառատոն, որը մեծ հաջողություն է ունեցել թե՛ լսարանի, թե՛ լաբորատորիայի մասնակիցների համար։
«Այս նախաձեռնությամբ մենք ոչ միայն պահպանեցինք հայկական երաժշտության կարևորագույն էջերը, այլև ստեղծեցինք հնարավորություն, որ դրանք դառնան հասանելի նոր սերունդների համար։ Մեր նպատակն է, որ հայ կոմպոզիտորների բարձրարժեք ստեղծագործությունները կենդանի հնչեն բեմերում և շարունակեն ոգեշնչել ինչպես երաժիշտներին, այնպես էլ ունկնդիրներին», – նշում են նախաձեռնության հեղինակները։
Կատարվել է նաև մեկ այլ ստեղծագործության պրոֆեսիոնալ տեսաձայնագրում»,- ասված է հաղորդագրությունում։
