05.06.2026 | 02:00
ՌԴ-ից մարդկանց ստիպելով բերում են իրենց օգտին քվեարկելու․ Փաշինյանը՝ «Ուժեղ Հայաստանի» մասին․ ՏԵՍՆՅՈՒԹ
Էդուարդ Վարդանյան. Չէի ասի, որ Մախաչևը գերազանցել է Խաբիբին
17.11.2025 | 18:09
Խառը մենամարտերում հանդես եկող ռուսաստանցի մարզիկ Էդուարդ Վարդանյանը կարծիք է հայտնել UFC-ի կիսամիջին քաշային կարգի նորընծա չեմպիոն Իսլամ Մախաչևի ու կարիերան ավարտած անպարտելի մարտիկ Խաբիբ Նուրմագոմեդովի համեմատության մասին։
«Անվիճելի է, որ Մախաչևը Ռուսաստանի մեծագույն մարտիկներից է Խաբիբի ու Ֆյոդոր Եմելյանենկոյի հետ միասին։ Սակայն չէի ասի, որ Իսլամն արդեն գերազանցել է Նուրմագոմեդովին։ Հարցը մրցակիցների մակարդակի մասին է։ Իսլամն ամենաբարձր կարգի մարտիկ է, սակայն Խաբիբը հաղթել է կրկնակի չեմպիոնի, որն իր գագաթնակետին էր։ Դրանից հետո նա որևէ խնդիր չունեցավ մյուս հավակնորդների հետ մենամարտերում։ Չկա իմաստ համեմատելու Խաբիբին ու Մախաչևին։ Իսլամը գնում է իր ճանապարհով»,- հայ մարտիկի խոսքը մեջբերում է Sport24-ը։
Հիշեցնենք, որ UFC 322-ի գլխավոր մենամարտում Իսլամ Մախաչևը մրցավարների միաձայն որոշմամբ հաղթել էր ավստրալացի Ջեք Դելա Մադալենային։ Այս տարվա մայիսին ռուսաստանցի մարտիկը գործող չեմպիոնի կարգավիճակում հեռացել էր թեթև քաշային կարգից, որտեղ տիտղոսը պաշտպանել էր 4 անգամ։ Խառը մենամարտերում 34-ամյա Մախաչևն ունի 28 հաղթանակ ու 1 ոչ-ոքի։
Խաբիբ Նուրմագոմեդովը կարիերայի ընթացքում անցկացրել է 29 մենամարտ ու տարել նույնքան հաղթանակ։ Նա UFC չեմպիոն է եղել թեթև քաշային կարգում և տիտղոսը պաշտպանել է 3 անգամ։
