12.01.2026 | 12:21
Ուրբաթ օրվանից Իրանից տեղեկություն չունենք, դա մեզ շատ է անհանգստացնում․ Սինանյան․ ՏԵՍԱՆՅՈՒԹ
Վաղարշապատի ընտրությունների ընթացքում ենթադրյալ հանցագործության մասին երեք հաղորդում է ստացվել, քրեական վարույթներ են նախաձեռնվել
Քաղաքականություն
17.11.2025 | 17:14
Վաղարշապատ համայնքի ավագանու ընտրությունների ընթացքում ենթադրյալ հանցագործության մասին երեք հաղորդում է ստացվել, որոնց վերաբերյալ նախաձեռնվել են քրեական վարույթներ: Այս մասին Factor TV-ից հայտնում են Քննչական կոմիտեից։
«Անկախ դիտորդ» դիտորդական առաքելությունը ավելի վաղ հայտնել է, որ Վաղարշապատ խոշորացված համայնքում նախընտրական քարոզարշավի ժամանակ արձանագրել է 53 խախտում։ Բացի այդ, հանցագործության մասին 5 հաղորդում են ներկայացրել։ Բոլորն այս կամ այն կերպ կապված են «Քաղաքացիական պայմանագիր» կուսակցության և դրա օգտին կատարվող ենթադրյալ հանցագործությունների հետ։
Հիշեցնենք՝ ԿԸՀ-ն ամփոփել է Արմավիրի մարզի Վաղարշապատ համայնքի ավագանու ընտրությունների նախնական արդյունքները՝ բոլոր 47 տեղամասերից։
Քվեարկության մասնակցել է 31,535 քաղաքացի։ Անվավեր է ճանաչվել 132 քվեաթերթիկ։ Ձայները հետևյալ կերպ են բաշխվել․
«Հաղթանակ» կուսակցությունների դաշինք՝ 10051 քվե
«Համահայկական ճակատ» կուսակցություն՝ 295 քվե
«Հանրապետություն» Կուսակցություն՝ 1241 քվե
«Մայր Հայաստան» ազգային-դեմոկրատական կուսակցություն՝ 1692 քվե
«Ազատ դեմոկրատներ» կուսակցություն՝ 1177 քվե
«Ժառանգություն» կուսակցություն՝ 440 քվե
«Քաղաքացիական պայմանագիր» կուսակցություն՝ 15298 քվե
«Հայրենիք» կուսակցություն՝ 1193 քվե
Անճշտությունների գումարային չափը՝ 23։
