31.10.2026 | 13:33
Ամերիկյան ինդեքսները նվազել են
Ով քանի մանդատ կունենա Վաղարշապատի ավագանիում․ նախնական տվյալներ․ ՏԵՍԱՆՅՈՒԹ
Քաղաքականություն
17.11.2025 | 13:38
Վաղարշապատում կայացած ՏԻՄ ընտրությունների վերաբերյալ «Անկախ դիտորդ» դիտորդական առաքելության ասուլիսի ընթացքում իրավապաշտպան Արթուր Սաքունցը նախնական տվյալներ հայտնեց, թե ով քանի մանդատ կունենա ավագանիում։
«Մենք հաշվարկը իրականացրել ենք և կարող ենք ասել, թե այս պատկերի դեպքում որ ուժը քանի մանդատ կստանա, չէ, մենք այդ հաշվարկը, տեխնիկական բան է իրականում, չենք արել, բայց նաև պետք է բոլորիդ հորդորեմ վերջնական եզրահանգումներ չանել, որովհետև կարող են լինել վերահաշվարկներ, այդ թվում, որովհետև կա անվավեր 132 քվեաթերթիկ: Սա այդքան էլ փոքր թիվ չի։ Կարող են լինել որոշակի փոփոխություններ վերահաշվարկի կոնտեքստում և այստեղ եթե շատ փոփոխություններ չլինեն, ապա մանդատները կբաշխվեն 19, 12 և 2 մանդատ, համապատասխանաբար «Քաղաքացիական պայմանագիր», «Հաղթանակ» և «Մայր Հայաստան» ուժերի միջև:
Բայց նորից, թվերը կարող են փոխվել վերահաշվարկի արդյունքում: Դրա համար է, որ նախնական արդյունքների հրապարակումը քվեարկության հաջորդ օրն է, և կա վերջնական հրապարակում քվեարկությանը հաջորդող յոթերորդ օրը: Այսինքն՝ կիրակի օրն է վերջնական հստակ թվերը պարզ լինելու, որ ուժը ինչքան քվե է ստացել, և արդեն կիրակի օրվա վերջնական արդյունքները կարելի է այդ բանաձևերով անցկացնել ու վերջնական ասել, թե ով քանի մանդատ կունենա»,-նշեց Արթուր Սաքունցը:
Մանրամասները՝ տեսանյութում։
