31.12.2025 | 23:43
Ժողովուրդը հաղթելու է. Փաշինյանի ամանորյա ուղերձը․ ՏԵՍԱՆՅՈՒԹ
Թրամփը փոխել է դիրքորոշումը․ նա հանրապետականներին կոչ է արել Էփշտեյնի գործի վերաբերյալ ավելի շատ փաստաթղթեր հրապարակել
Քաղաքականություն
17.11.2025 | 23:26
ԱՄՆ նախագահ Դոնալդ Թրամփը հայտարարել է, որ աջակցում է օրենսդիրների ջանքերին սեռական հանցագործ Ջեֆրի Էփշտեյնի հետ կապված ավելի շատ փաստաթղթեր հրապարակելու վերաբերյալ՝ չնայած նախկինում դեմ էր դրան, գրում է France 24-ը։
«Ներկայացուցիչների պալատի հանրապետականները պետք է քվեարկեն Էփշտեյնի ֆայլերի հրապարակման օգտին, քանի որ մենք թաքցնելու ոչինչ չունենք»,- գրել է Թրամփը Truth Social հարթակում։
79-ամյա հանրապետականը դեմոկրատներին մեղադրել է «Էփշտեյնի խաբեությունը» տարածելու մեջ՝ այն բանից հետո, երբ էլեկտրոնային նամակներ են հայտնվել, որոնցում ֆինանսիստը ենթադրություն է հայտնել, որ Թրամփը «տեղյակ է եղել աղջիկների մասին»։ Որոշ քննադատներ Թրամփին մեղադրել են իր ենթադրյալ չարաշահումների մանրամասները թաքցնելու փորձի մեջ, որը նախագահը հերքում է՝ փորձելով խոչընդոտել քվեարկությունը, ինչը պառակտել է նրա հավատարիմ Հանրապետական կուսակցությունը։
«Հանրապետական կուսակցության որոշ «անդամներ» «օգտագործվում» են, և մենք չենք կարող դա թույլ տալ»,- գրել է Թրամփը՝ անդրադառնալով որոշ հանրապետական օրենսդիրների կողմից նախկին դիրքորոշումից նահանջին։
ԱՄՆ նախագահը պահանջել է, որ գլխավոր դատախազ Փեմ Բոնդին և ՀԴԲ-ն հետաքննեն Էփշտեյնի կապերը նախկին նախագահ, դեմոկրատ Բիլ Քլինթոնի և Հարվարդի համալսարանի նախկին ղեկավար Լարի Սամերսի հետ, որը Քլինթոնի օրոք զբաղեցրել է ֆինանսների նախարարի պաշտոնը։
Հավելենք, որ նոյեմբերի 12-ին ԱՄՆ Կոնգրեսի դեմոկրատները հրապարակել էին Էփշտեյնի էլեկտրոնային նամակների մի մասը։ 2011 թվականի նամակներում նա Դոնալդ Թրամփին անվանել է «չհաչող շուն»՝ ակնարկելով, որ Թրամփը, հնարավոր է, տեղյակ է եղել իր գործունեության մասին։
Հանրապետական կոնգրեսական Թոմաս Մասին էլ հայտարարել էր, որ Ջեֆրի Էփշտեյնի արխիվի գաղտնի բաժնում կան առնվազն քսան նշանավոր անձանց՝ քաղաքական գործիչների, միլիարդատերերի և պրոդյուսերների անուններ, որոնք կասկածվում են Էփշտեյնի հանցագործություններին մասնակցելու մեջ, և որոնց նկատմամբ դեռևս հետաքննություն չի իրականացվել: Նա այս հայտարարությունն արել է ABC-ի եթերում: ABC-ն ավելի ուշ փոխարինել է հեռարձակման այս հատվածը, իսկ Մասիի հղումը քսան բարձրաստիճան պաշտոնյաների մասին հեռացվել է ուղեկցող տեքստից:
2019 թվականին բանտում մահից առաջ Էփշտեյնը պարտավոր էր գրանցվել որպես սեռական հանցագործ Ֆլորիդայում, այն բանից հետո, երբ 2008 թվականին մեղավոր էր ճանաչվել երեխաների նկատմամբ ոտնձգության երկու դրվագներով, այդ թվում՝ մարմնավաճառությանը ներգրավելու համար։
Թարգմանությունը՝ Էմմա Չոբանյանի
