09.10.2026 | 22:44
ԱԺ-ից հաստատում են՝ Civic-ին աշխատակազմն է տրամադրել հոկտեմբերի 6-ի միջադեպի կադրերը
Առաջատար միջազգային մասնագետները կայցելեն Հայաստան. GITC/ACT քոլեջի տնօրենն ու ամերիկյան MOSAIC ընկերության հիմնադիրը հուշագիր են ստորագրել
Քաղաքականություն
15.11.2025 | 12:16
Նոյեմբերի 13-ին Վաշինգտոնում ՀՀ դեսպան Նարեկ Մկրտչյանի և ՀՕՖ մարքեթինգի և զարգացման գծով գործադիր տնօրեն Բրի Կարիլիոյի ներկայությամբ կայացել է GITC/ACT քոլեջի գործադիր տնօրեն Ամալյա Եղոյանի և ամերիկյան MOSAIC ընկերության հիմնադիր ու գործադիր տնօրեն Թոնի Շիենայի հանդիպումն ու համագործակցության հուշագրի ստորագրումը․ հայտնում են դեսպանությունից:
Հուշագրով կողմերը նախատեսում են մեկնարկել նոր համատեղ կրթական ծրագիր, որը կկենտրոնանա հետախուզական վերլուծության (intelligence), համընդհանուր անվտանգության և կիբեռանվտանգության ոլորտների խորացված ուսումնառության վրա։
Ծրագրի շրջանակում MOSAIC-ի առաջատար միջազգային մասնագետները կայցելեն Հայաստան՝ ACT ուսանողներին փոխանցելու համաշխարհային չափանիշներին համապատասխան գիտելիքներ, իրականացնելու մասնագիտական վերապատրաստումներ և զարգացնելու ժամանակակից անվտանգային միջավայրում պահանջված հմտություններ։
Դեսպան Մկրտչյանը ողջունել է նախաձեռնությունը՝ ընդգծելով, որ այս համագործակցությունը կնպաստի Հայաստանում անվտանգության ոլորտում նոր տեխնոլոգիաների ներդրմանը։
