13.05.2026 | 22:08
«80 հազար վարձկան կներգրավենք». զրույց ընտրություններին հայտ ներկայացրած Արտակ Սարգսյանի հետ. ՏԵՍԱՆՅՈՒԹ
Աշխարհի գավաթ․ Գաբրիել Սարգսյանը և Լևոն Արոնյանը ոչ-ոքի խաղացին
14.11.2025 | 18:54
Հնդկաստանում ընթացող ՖԻԴԵ-ի շախմատի աշխարհի գավաթի խաղարկությունում Հայաստանի վերջին ներկայացուցիչ Գաբրիել Սարգսյանը ոչ-ոքի արդյունքով ավարտեց 5-րդ փուլի առաջին պարտիան։ Հայ գրոսմայստերը սպիտակ խաղաքարերով մրցում էր ուզբեկ Նոդիրբեկ Յակուբոևի հետ։
Հայաստանի հավաքականի նախկին առաջատար, այժմ ԱՄՆ-ը ներկայացնող Լևոն Արոնյանը ոչ-ոքի խաղաց հնդիկ գրոսմայստեր Արջուն Էրիգաիսիի հետ, իսկ ամերիկահայ Սամուել Սևյանը խաղաղ դաշն կնքեց չինացի գրոսմայստեր Վեյ Իի հետ։
5-րդ փուլի երկրորդ դասական պարտիաները կկայանան նոյեմբերի 15-ին։
Հիշեցնենք, որ Հայաստանի ներկայացուցիչներից աշխարհի գավաթին մասնակցում էին նաև Շանթ Սարգսյանը, Ռոբերտ Հովհաննիսյանը և Կարեն Գրիգորյանը, որոնք դուրս են մնացել պայքարից։ Մրցաշարն անցկացվում է նոկաուտ ձևաչափով՝ 8 խաղափուլով: Յուրաքանչյուր փուլում մասնակիցները խաղում են 2 դասական պարտիա: Եթե գրանցվում է 1:1 հաշիվը, հաղթողը որոշվում է արագ և կայծակնային շախմատի թայ-բրեյքում:
