02.10.2026 | 13:52
Ձերբակալվել է «Հայաստան» դաշինքի պատգամավորի թեկնածու Արթուր Օհանյանը
Քննարկվել են Հայաստանի և Վրաստանի միջև ռազմավարական գործընկերության զարգացմանն ուղղված աշխատանքները
Քաղաքականություն
14.11.2025 | 18:34
Վրաստանի վարչապետ Իրակլի Կոբախիձեն պաշտոնական այցով Թբիլիսիում ընդունել է ՀՀ արտաքին գործերի նախարար Արարատ Միրզոյանին․ կողմերը քննարկել են հայ-վրացական ռազմավարական գործընկերության խորացման ընթացիկ գործընթացները, տարածաշրջանային հաղորդուղիների ապաշրջափակման հնարավորությունները և խաղաղության հասնելու ջանքերում Վրաստանի դերակատարությունը։ Այս մասին տեղեկացնում են ՀՀ ԱԳՆ-ից։
«Զրուցակիցները քննարկել են Հայաստանի և Վրաստանի միջև ռազմավարական գործընկերության շարունակական զարգացմանն ուղղված աշխատանքները, որոնք ներառում են ինչպես ակտիվ քաղաքական երկխոսություն, այնպես էլ տնտեսական կապերի ու փոխկապակցվածության խորացում:
Գործարար կապերի խթանման համատեքստում անդրադարձ է կատարվել երկու երկրների տարանցիկ ներուժի արդյունավետ իրացման ուղղությամբ գործադրվող ջանքերին։
Այս համատեքստում նախարար Միրզոյանը ներկայացրել է նաև տարածաշրջանային կապուղիների ապաշրջափակման հարցում օգոստոսի 8-ին Վաշինգտոնում ձեռք բերված պայմանավորվածությունները և դրանց կյանքի կոչման միջոցով ընձեռնվելիք նոր հնարավորությունները: Նախարար
Միրզոյանն ընդգծել է, որ գործընթացը համահունչ է ՀՀ «Խաղաղության խաչմերուկ» նախագծի տեսլականին:
Արարատ Միրզոյանը երախտագիտություն է հայտնել Հայաստանի և Ադրբեջանի միջև հաստատված խաղաղությանը Վրաստանի աջակցության համար:
Հայաստանի ԱԳ նախարարը և Վրաստանի վարչապետը մտքեր են փոխանակել միջազգային զարգացումների և փոխադարձ հետաքրքրություն ներկայացնող այլ հարցերի շուրջ»,- ասված է հաղորդագրությունում:
