19.08.2026 | 17:38
Ֆերան Տորեսը «Բարսելոնայի» 5-րդ ամենաթանկ վաճառքն է. ՏԵՍԱՆՅՈՒԹ
Պենտագոնը վերանվանվել է Պատերազմի նախարարության
Քաղաքականություն
14.11.2025 | 18:32
ԱՄՆ պաշտպանության նախարար Փիթ Հեգսեթը փոխարինել է շենքի բրոնզե ցուցանակը նորով, որի վրա գրված է գերատեսչության նոր անվանումը՝ Պատերազմի նախարարություն, հայտնում է ամերիկյան գերատեսչությունը։
«Մենք ցանկանում էինք փոխարինել հին ցուցանակները, քանի որ ուզում ենք, որ այս դռնով մտնող յուրաքանչյուր ոք իմանա, որ մենք շատ լուրջ ենք վերաբերվում այս կազմակերպության անվանափոխությանը»,- ասել է Հեգսեթը։
Սեպտեմբերի սկզբին նախագահ Դոնալդ Թրամփը ստորագրել էր գործադիր հրամանագիր, որով Պաշտպանության նախարարության անվանումը կրկին փոխվում է Պատերազմի նախարարության․ անուն, որը նախարարությունը կրել է ավելի քան 150 տարի՝ 1789-ից մինչև 1947 թվականը։
Պենտագոնի շինարարությունը սկսվել է 1941 թվականին և ավարտվել 1943 թվականին։ Երբ շենքը բացվել է, այն եղել է Պատերազմի նախարարություն։
«Մենք սիրում ենք այն ամենը, ինչ ներկայացնում էր Պաշտպանության նախարարությունը։ Բայց սա Պատերազմի նախարարության նոր դարաշրջան է, որը կենտրոնացած է պատերազմներում հաղթանակի վրա և համոզվելու, որ մենք ճշգրիտ գիտենք, թե ինչ առաքելություն է, և որ զորքերն ուղարկվում են այնտեղ հաջողության հասնելու և հաղթելու համար: Պատերազմի նախարարություն անվանումը հիշեցնում է Ամերիկայի հիմնադրումը»,- ասել է Հեգսեթը։
Թարգմանությունը՝ Էմմա Չոբանյանի
