19.08.2026 | 17:38
Ֆերան Տորեսը «Բարսելոնայի» 5-րդ ամենաթանկ վաճառքն է. ՏԵՍԱՆՅՈՒԹ
Ռոբսոն մականունով հայտնի Ռուբեն Թաթուլյանը ՌԴ չի արտահանձնվի
Հասարակություն
14.11.2025 | 16:41
Երկու օր առաջ Հայաստանում ձերբակալված, ապա ազատ արձակված Ռոբսոն մականունով հայտնի Ռուբեն Թաթուլյանն արգելանքի չի վերցվել Հայաստանի Հանրապետության քաղաքացի հանդիսանալու, հետևաբար՝ օտարերկրյա պետությանը հանձնման ենթակա չլինելու հիմքով: Այս մասին Factor TV-ի հարցմանն ի պատասխան հայտնեցին Գլխավոր դատախազությունից․
«2025 թվականի նոյեմբերի 7-ին ոստիկանության աշխատակիցների կողմից հայտնաբերվել է Ռուսաստանի Դաշնության իրավասու մարմինների կողմից հետախուզվող Ռ. Թաթուլյանը: Նա արգելանքի չի վերցվել Հայաստանի Հանրապետության քաղաքացի հանդիսանալու, հետևաբար՝ օտարերկրյա պետությանը հանձնման ենթակա չլինելու հիմքով»։
Հիշեցնենք՝ օրեր առաջ «Իզվեստիա»-ն գրել էր, որ Ռուսաստանում հետախուզում է հայտարարվել սպանության, խարդախության, հանցավոր կազմակերպություն կազմակերպելու հոդվածներով։
«ՆԳՆ քրեական ոստիկանության ծառայողները նշված անձին հայտնաբերել և ձերբակալել են։ Նրա հայտնաբերման մասին տեղեկատվությունը պատշաճ կարգով փոխանցվել է Դատախազությանն ու հետախուզումը նախաձեռնողին»,- Factor TV-ին հայտնել էին ՆԳՆ ոստիկանությունից։
Ռոզա Վարդանյան
