13.05.2026 | 23:30
Ադրբեջանը հիշատակվում է Պենտագոնի կողմից հրապարակված չբացահայտված թռչող օբյեկտների ֆայլերում
Մարտինես․ Պետք է վստահ լինենք, որ Հայաստանի հավաքականին կհաղթենք առանց Ռոնալդուի
14.11.2025 | 16:20
Պորտուգալիայի հավաքականի գլխավոր մարզիչ Ռոբերտո Մարտինեսն արձագանքել է Իռլանդիայի հավաքականի դեմ ԱԱ-2026-ի եվրոպական գոտու ընտրական մրցաշարի նախավերջին տուրի խաղում Կրիշտիանու Ռոնալդուի ստացած կարմիր քարտին։ Սաուդյան Արաբիայի «Ալ Նասրի» 40-ամյա հարձակվողը 61-րդ րոպեին խաղադաշտից հեռացվել էր մրցակցին արմունկով հարվածելու համար՝ ստանալով կարիերայի առաջին կարմիր քարտը Պորտուգալիայի հավաքականում։
«Կարծում եմ՝ կարմիր քարտը մի փոքր խիստ պատիժ էր Ռոնալդուի համար։ 60 րոպե շարունակ մրցակիցները քաշքշում ու հրմշտում էին Կրիշտիանուին։ Չեմ կարծում, թե դա միտումնավոր արմունկով հարված էր, բայց մենք ընդունում ենք որոշումը։ Նա մեծապես հոգ է տանում թիմի մասին և հիասթափված էր։
Կրիշտիանուն մեզ հետ այնքան շատ խաղեր է հաղթել։ Հիմա մենք պետք է վստահություն ունենանք, որ կիրակի կհաղթենք առանց նրա»,- իսպանացի մասնագետի խոսքը մեջբերում է Onefootball.com-ը։
Հիշեցնենք, որ ընտրական փուլի վերջն տուրում պորտուգալացիները նոյեմբերի 16-ին Պորտուի «Դրագաու» ստադիոնում մրցելու են Հայաստանի հավաքականի հետ, որը կորցրել էր 2026թ. աշխարհի առաջնության ընտրական փուլի արգելքը հաղթահարելու շանսերը:
