31.10.2026 | 14:42
COP17-ի շրջանակում ընդունվել է շուրջ 50 որոշում․ արդյունքները գերազանցել են սպասելիքները․ նախարար
Բաքուն պատրաստվում է Ստեփանակերտում բնակարաններ վաճառքի հանել
14.11.2025 | 14:21
Ադրբեջանը պատրաստվում է էթնիկ զտման ենթարկված ու հայաթափված Ստեփանակերտում բնակարանների վաճառք սկսելե։ Ադրբեջանական լրատվամիջոցների հաղորդմամբ՝ Ստեփանակերտում, Մարտակերտում և Իվանյանում Ադրբեջանի նախագահի հատուկ ներկայացուցիչ Էլչին Յուսուբովը հայտարարել է, որ քաղաքում բազմահարկ բնակելի շենքեր կառուցելուց հետո բնակարանները կհանվեն վաճառքի։
«Մենք արդեն իսկ մեծ թվով հարցումներ ենք ստացել Խանքենդիում (Ստեփանակերտում) բնակարաններ գնել ցանկացող քաղաքացիներից։ Բնակարանները վաճառքի կհանվեն ինչպես կանխիկ, այնպես էլ հիփոթեքային վարկավորման տարբերակով։ Գործարարների և բանկերի միջև կնքված պայմանագրերի հիման վրա քաղաքացիները կկարողանան բնակարաններ գնել հիփոթեկով։ Գործարարներին կտրամադրվի անհրաժեշտ պետական աջակցություն՝ թափանցիկ և հարմար գործընթաց ապահովելու համար»,- հայտարարել է նա։
Հավելենք, որ Բաքուն Ստեփանակերտում և Արցախի այլ բնակավայրերում հայերի կողմից կառուցված և նրանց պատկանող տների ու շինությունների քանդման աշխատանքներ է իրականացնում։
Համացանցում պարբերաբար են տեսանյութեր տարածվում, թե ինչպես են Ադրբեջանի կողմից քանդվում և յուրացվում Արցախի տարբեր շրջաններում հայերին պատկանող տներն ու շինությունները։
Թարգմանությունը՝ Էմմա Չոբանյանի
