31.10.2026 | 14:18
Հայաստանի և Ֆրանսիայի փրկարար ծառայությունները կշարունակեն համագործակցությունը
Սերժ Սարգսյանը չի ստորագրել նամակ, որի համար ՀՀ որևէ քաղաքացի կարող է ամաչել․ Հայկ Մամիջանյան․ ՏԵՍԱՆՅՈՒԹ
14.11.2025 | 13:23
«Մի շաբաթ Հայաստանի ամբողջ հասարակա-քաղաքական դաշտը, օրակարգը թելադրվում էր նախագահ Սարգսյանի փոդքասթին հնչեցրած մտքերով։ Եվ ևս մեկ կարևոր ձեռքբերում՝ վերջապես կարողացանք կորզել Փաշինյանից, ստիպել, որպեսզի ինքը խոստանա, որ մինչև տարվա վերջ կհրապարակի բանակցային փաստաթղթերը։ Դա, իհարկե, հաշվի առնելով Փաշինյանի խոսքի արժեքը, այդպես առանձնապես իրավիճակը չի փոխվում, բայց ամեն դեպքում գոնե խոստում կարողացանք կորզել»,-խորհրդարանական ճեպազրույցների ժամանակ հայտարարեց «Պատիվ ունեմ» խմբակցության ղեկավար Հայկ Մամիջանյանը։
Նա նաև 2019 թվականի բանակցային փաթեթի վերաբերյալ հարցին անդրադարձավ, ասաց, որ այն չի տեսել, սակայն մոտավորապես հասկանում է՝ ինչ նամակի մասին է խոսքը։
«Գիտեմ, որ դա մի փաստաթուղթ էր, որի վրա աշխատելով, որը որպես բանակցային հիմք վերցնելով, հնարավոր էր Հայաստանի համար ստանալ այն, ինչը մենք ցանկանում էինք։ Ինչ վերաբերվում է նամակին, ես շատ անհամբեր սպասում եմ, թե երբ է Փաշինյանը և՛ այդ նամակը, և՛ բոլոր բանակցային փաստաթղթերը հրապարակելու։ Կռահում եմ, պատկերացնում եմ, թե որ նամակի մասին է գնում խոսքը։ Կարող եմ պնդել, որ նախագահ Սարգսյանը երբևէ իր կյանքում չի ստորագրել որևէ նամակ, որևէ փաստաթուղթ, որի համար Հայաստանի Հանրապետության որևէ քաղաքացի, առավել ևս իր թիմակիցներից որևէ մեկը ստիպված լինի ամաչել։ Երբ որ նամակը հրապարակվի, և բանակցային փաթեթը հրապարակվի, այն ժամանակ դուք իմ ասածներում կհամոզվեք»,-նշեց Մամիջանյանը։
Մանրամասները՝ տեսանյութում։
