06.04.2026 | 17:54
10 մլն ռուբլու պարտքի պատճառով խոշտանգման գործը հասել է դատարան
«Նպատակը ոչ միայն Վազգենին և Նարեկին լռեցնելն էր, այլև ԶԼՄ-ի գործունեությունը կասեցնելը»․ Մամիջանյան․ ՏԵՍԱՆՅՈՒԹ
Հասարակություն
14.11.2025 | 13:07
«Երեկ ուշ գիշերը դատարանը ապօրինաբար, քաղաքական ճնշումների համատեքստում, երկուական ամիս կալանքի դատապարտեց, բացարձակ անհիմն, Antifake լրատվական ծառայության, «Իմնեմնիմի» հաղորդման համահեղինակներ Նարեկ Սամսոնյանին, Վազգեն Սաղաթելյանին։ Իրենք արդեն իսկ գտնվում են քրեակատարողական հիմնարկում»,-լրագրողների հետ զրույցում այս մասին հայտնեց «Պատիվ ունեմ» խմբակցության ղեկավար Հայկ Մամիջանյանը։
Ըստ նրա՝ տեղի ունեցածը այլախոհների դեմ հետապնդումներ են՝ ուժային, իրավապահ, դատական համակարգի օգտագործմամբ։ Մամիջանյանի խոսքով՝ սա կարելի է դիտարկել նաև ԶԼՄ-ների նկատմամբ հետապնդումների ու ճնշումների համատեքստում, որովհետև առգրավվել է Antifake լրատվական ծառայության ողջ տեխնիկան։
«Այսինքն նպատակը ոչ միայն անձամբ Վազգենին և Նարեկին լռեցնելն էր, այլ նաև լրատվականի գործունեությունը կասեցնելը։ Բնականաբար, սրա մասին մենք տեղեկացնելու ենք մեր բոլոր միջազգային գործընկերներին։ Ազատություն բոլոր քաղբանտարկյալներին»,-նշեց Մամիջանյանը։
Մանրամասները՝ տեսանյութում։
