07.03.2026 | 16:17
Մարտի 8-ին կայանալիք Մասկատ-Երևան թռիչքի տոմսեր ունեցողները կարող են օգտվել անվճար տեղափոխման հնարավորությունից. դեսպանություն
Մարկո Ռոսի․ Իմ հաճոյախոսությունները Հայաստանի հավաքականին երկրորդ խաղակեսում լավ խաղի համար
14.11.2025 | 01:30
Հունգարիայի հավաքականի գլխավոր մարզիչ Մարկո Ռոսին հետխաղային ասուլիսում մեկնաբանել է Հայաստանի հավաքականի նկատմամբ 1։0 հաշվով հաղթանակն ԱԱ-2026-ի եվրոպական գոտու ընտրական մրցաշարի F խմբի 5-րդ տուրի խաղում։ Վազգեն Սարգսյանի անվան «Հանրապետական» ստադիոնում կայացած խաղում պարտվելուց հետո Եղիշե Մելիքյանի գլխավորած թիմը կորցրել էր ընտրական փուլի արգելը հաղթահարելու շանսերը:
«Առաջին խաղակեսը լավ դասավորվեց մեզ համար, ունեցանք մի քանի շանսեր։ Ունեինք առավելություն և կարող էինք 2։0 հաշվի պայմաններում գնալ ընդմիջման։ Չգիտեմ՝ ինչու, բայց ամեն բան փոխվեց։ Հետո Հայաստանի հավաքականն ավելի լավն էր և ունեցավ լավ պահեր մեր սխալների պատճառով։ Դու չես կարող 90 րոպե պրեսինգի ենթարկել մրցակցին, բայց երկրորդ խաղակեսը մեզ համար վատագույնն էր այս ընտրական փուլում։ Նույնիսկ Պորտուգալիայի դեմ խաղում ոչ-ոքիից հետո ես ավելի լավ տպավորություններ ունեի, քան այս հանդիպման ավարտին։ Կվերլուծենք և կհասկանանք, թե ինչ տեղի ունեցավ մեր թիմի հետ առաջին խաղակեսից հետո:
Իմ հաճոյախոսությունները Հայաստանի հավաքականին երկրորդ խաղակեսում լավ խաղի համար»,- նշել է իտալացի մասնագետը։
Հայաստանի հավաքականն ընտրական փուլի վերջին խաղը կանցկացնի նոյեմբերի 16-ին Պորտուի «Դրագաու» ստադիոնում՝ մրցելով խմբի առաջատար Պորտուգալիայի հավաքականի հետ։
