16.05.2026 | 11:33
Քաղաքների մթնոլորտային օդում փոշու պարունակությունը մայիսի 2-8-ը
Արդարադատության նախարարությունը ձևավորում է քայլերի պլան՝ ԵՄ մուտքի արտոնագրերի ազատականացման գործընթացի շրջանակում
Հասարակություն
13.11.2025 | 22:12
Արդարադատության նախարար Սրբուհի Գալյանի ղեկավարությամբ Արդարադատության նախարարությունը սահմանել է հստակ գործողություններ, ժամկետներ և պատասխանատուներ՝ ՀՀ-ԵՄ մուտքի արտոնագրերի ազատականացման գործողությունների ծրագրից բխող առաջադրանքների իրականացման համար՝ ընդգծելով կոռուպցիայի դեմ պայքարի, մարդու իրավունքների պաշտպանության և տվյալների անվտանգության ոլորտներում առաջընթացի կարևորությունը։ Այս մասին տեղեկացնում են ՀՀ արդարադատության նախարարությունից։
«Նախարար Սրբուհի Գալյանի համակարգմամբ առանձնացվում են հստակ գործողություններ, ժամկետներ և պատասխանատուներ՝ ապահովելու առաջընթացը հետևյալ ուղղություններով.
- Տվյալների մշակման և էթիկայի կանոնակարգերի ներդնում ՔԿԱԳ գործակալությունում,
- Կոռուպցիայի դեմ պայքարի շարունակականության ապահովում՝ միջազգային պարտավորություններին համահունչ,
- Անձնական տվյալների պաշտպանության ոլորտում պետական մարմինների կարողությունների զարգացում, իրավասու նոր մարմնի ձևավորում,
- Իրավական փոխօգնության ոլորտում կառուցակարգերի կատարելագործում,
- Ոլորտային միջազգային կոնվենցիաների անդամակցություն,
- Մարդու իրավունքների պաշտպանություն և խտրականության կանխարգելում,
- Իրավահավասարության ապահովման քաղաքականության գործնական ապահովում:
Նախատեսվում է նաև հաշվետվությունների միջոցով պարբերաբար գնահատել իրականացվող միջոցառումների ընթացքը:
Խորհրդակցության ընթացքում քննարկվել են նաև զարգացման գործընկերների և միջազգային կազմակերպությունների հետ համատեղ իրականացվող ծրագրերն ու նոր նախաձեռնությունները»,- ասված է հաղորդագրությունում:
