04.08.2026 | 11:26
Արման Անտոնյանը հայտնել է ԿԳՄՍ նախարարի խորհրդականի պաշտոնից հեռանալու մասին
Սամվել Կարապետյանը կշարունակի մնալ կալանքի տակ
13.11.2025 | 20:07
Գրեթե 5 ամիս կալանքի տակ գտնվող գործարար Սամվել Կարապետյանի խափանման միջոց կալանքը չի փոխվի։ Այս մասին Factor TV-ի հարցին ի պատասխան հայտնեցին Դատական դեպարտամենտից։ Վերաքննիչ հակակոռուպցիոն դատարանը՝ դատավոր Կարեն Ամիրյանի նախագահությամբ, որոշում է կայացրել մերժել Կարապետյանի պաշտպանների կողմից բերված բողոքը և ուժի մեջ թողնել առաջին ատյանի կողմից ընտրված կալանքը։
Հիշեցնենք՝ դեռ հունիսից Սամվել Կարապետյանը մեղադրվում է Քրեական օրենսգրքի 422-րդ հոդվածի 2-րդ մասի հատկանիշներով, այն է՝ իշխանությունը զավթելուն, տարածքային ամբողջականությունը խախտելուն, ինքնիշխանությունից հրաժարվելուն կամ սահմանադրական կարգը բռնի տապալելուն ուղղված հրապարակային կոչը, որը կատարվել է հրապարակայնորեն ցուցադրվող ստեղծագործությունները կամ զանգվածային լրատվության միջոցները կամ տեղեկատվական կամ հաղորդակցական տեխնոլոգիաներն օգտագործելով:
Մեկ ամիս անց գործարարին նոր մեղադրանք առաջադրվեց՝ հարկերը, տուրքերը կամ այլ վճարներ չվճարելու և փողերի լվացման հոդվածի հատկանիշներով։
Իսկ արդեն մեկ ամիս առաջ՝ հոկտեմբերին, Կարապետյանի մեղադրանքը փոփոխվեց և նոր մեղադրանք առաջադրվեց՝ իշխանական կամ ծառայողական լիազորությունները կամ դրանցով պայմանավորված ազդեցությունն օգտագործելով՝ առանձնապես խոշոր չափերով փողերի լվացման հոդվածի հատկանիշներով։
Ռոզա Վարդանյան
