29.06.2026 | 19:28
ՔՊ նիստն ավարտվեց. Փաշինյանը մանրամասներ է հայտնում փակ նիստից. ՈՒՂԻՂ
ԱԳ նախարարի տեղակալը և ՄԱԿ ՓԳՀ ներկայացուցիչը քննարկել են փախստականների ինտեգրման հարցերը
Քաղաքականություն
13.11.2025 | 19:53
ՀՀ ԱԳ նախարարի տեղակալ Ռոբերտ Աբիսողոմոնյանը նոյեմբերի 13-ին ընդունել է ՄԱԿ-ի Փախստականների հարցերով գերագույն հանձնակատարի (ՓՀԳ) հայաստանյան գրասենյակի նորանշանակ ղեկավար Մոնիկա Սանդրիին՝ հավատարմագրման նամակը հանձնելու կապակցությամբ։ Հանդիպման ընթացքում քննարկվել են Հայաստանի և ՓՀԳ-ի համագործակցության ամրապնդման, փախստականների կարիքների լուծման և ինտեգրման քաղաքականության զարգացմանն ուղղված հարցեր։ Այս մասին տեղեկացնում են ՀՀ ԱԳՆ-ից։
«Շնորհավորելով ՓՀԳ հայաստանյան գրասենյակի ղեկավարին նշանակման կապակցությամբ՝ ՀՀ ԱԳ նախարարի տեղակալը վստահություն է հայտնել, որ վերջինիս ղեկավարությամբ գրասենյակի հետ համագործակցությունն էլ ավելի կամրապնդվի:
Հանդիպման ընթացքում կողմերը բարձր են գնահատել Հայաստանի և ՄԱԿ ՓԳՀ միջև ձևավորված սերտ և արդյունավետ փոխգործակցությունը:
Անդրադարձ է կատարվել փախստականների կարիքների հասցեագրման գործում իրականացված աշխատանքներին և գրանցված արդյունքներին` կարևորելով զարգացման և ինտեգրման քաղաքականության խթանմանն ուղղված ծրագրերի շարունակականության ապահովումը»,- ասված է հաղորդագրությունում:
